ମୁମ୍ବାଇ: ଅକ୍ଷୟ କୁମାର, ସୁନୀଲ ଶେଟ୍ଟୀ ଏବଂ ପରେଶ ରାୱଲଙ୍କ ସୁପରହିଟ୍ କମେଡି ଫ୍ରାଞ୍ଚାଇଜ୍ ହେରା ଫେରି ବିଷୟରେ ଏକ ଆଶ୍ଚର୍ଯ୍ୟଜନକ ଖବର ଆସିଛି । ଏହି ଫିଲ୍ମରେ ପରେଶ ରାୱଲଙ୍କ ବାବୁରାଓ ଗଣପତରାଓ ଆପ୍ଟେ ଚରିତ୍ରକୁ ତାଙ୍କ ପ୍ରଶଂସକମାନେ ବହୁତ ପସନ୍ଦ କରିଛନ୍ତି । ଫିଲ୍ମ ସମ୍ପର୍କରେ, ନିର୍ଦ୍ଦେଶକ ପ୍ରିୟଦର୍ଶନ ଚଳିତ ଜାନୁଆରୀରେ ନିଶ୍ଚିତ କରିଥିଲେ ଯେ ଏହାର ତୃତୀୟ ଭାଗ ଆନୁଷ୍ଠାନିକ ଭାବରେ ଆରମ୍ଭ ହୋଇଛି ।
ଏହା ପରେ, ପ୍ରଶଂସକମାନେ ଯେତେବେଳେ ଜାଣିବାକୁ ପାଇଲେ ଯେ ସେହି ତିନିଜଣ ପୁଣି କମବ୍ୟାକ କରୁଛନ୍ତି, ସେମାନଙ୍କ ମଧ୍ୟରେ ଉତ୍ସାହ ଆହୁରି ବଢିଥିଲା ।
ହେଲେ ପରେଶ ରାୱଲ ନିଜେ ବଲିଉଡ ହଙ୍ଗାମାକୁ ନିଶ୍ଚିତ କରିଛନ୍ତି ଯେ ସେ ଆଉ ହେରା ଫେରିର ତୃତୀୟ ଭାଗରେ ଦେଖାଯିବେ ନାହିଁ । ଫିଲ୍ମ ସମୀକ୍ଷକ ସୁମିତ କାଡେଲ ମଧ୍ୟ ଏକ ସୋସିଆଲ ମିଡିଆ ପୋଷ୍ଟ ମାଧ୍ୟମରେ ଏ ବିଷୟରେ ସୂଚନା ଦେଇଛନ୍ତି ଏବଂ କହିଛନ୍ତି ଯେ ସୃଜନଶୀଳ ମତଭେଦ ଯୋଗୁଁ ପରେଶ ରାୱଲ ଫିଲ୍ମରୁ ଓହରି ଯାଇଛନ୍ତି ।
ବଲିଉଡ୍ ହଙ୍ଗାମା ଏକ ପୋଷ୍ଟ କରି କହିଛି, “ଏକ ସମୟ ଥିଲା ଯେତେବେଳେ ଅକ୍ଷୟ କୁମାର ୨୦୨୨ରେ ଫିଲ୍ମରୁ ଓହରି ଯାଇଥିଲେ । ଅକ୍ଷୟ ହେଉଛନ୍ତି ଫିଲ୍ମର ଜୀବନ, ତେଣୁ ପ୍ରଶଂସକମାନେ ଏହି ଖବର ଶୁଣି ଦୁଃଖିତ ହୋଇଥିଲେ । କିନ୍ତୁ ଧନ୍ୟବାଦ, ସେ ପୁଣି ଥରେ ଫେରି ଆସିଛନ୍ତି । ଏହାକୁ ଦେଖି, ଆମେ ଆଶା କରୁଛୁ ଯେ ପରେଶ ରାୱଲ ମଧ୍ୟ ଫିଲ୍ମରେ ଫେରିପାରିବେ।”
କଲ୍ଟ କମେଡି ହେରା ଫେରି ସିରିଜର ପ୍ରଥମ ଫିଲ୍ମ ୨୦୦୨ ମସିହାରେ ଏବଂ ଦ୍ୱିତୀୟଟି ୨୦୦୬ ମସିହାରେ ମୁକ୍ତିଲାଭ କରିଥିଲା । ଏହି ଫିଲ୍ମର ପ୍ରତ୍ୟେକ ଚରିତ୍ର, ସେ ରାଜୁ ହୁଅନ୍ତୁ କିମ୍ବା ବାବୁରାଓ ଗଣପତରାଓ ଆପ୍ଟେ, ଏବେ ବି ଲୋକଙ୍କ ମନରେ ରହିଛନ୍ତି । ସବୁଠାରୁ ଖାସ କଥା ହେଉଛି ଇଣ୍ଟରନେଟ୍ ଜଗତର ଅଧିକାଂଶ ମିମ୍ ଏହି ଫିଲ୍ମର ଚରିତ୍ରମାନଙ୍କ ଉପରେ ତିଆରି ହୋଇଛି ।
Comments are closed.