ନୂଆଦିଲ୍ଲୀ: ଅନଲାଇନ୍ ପେମେଣ୍ଟ ଆପ୍ ପେଟିଏମ୍ ର ସମସ୍ୟା ଦିନ କୁ ଦିନ ବଢିବାରେ ଲାଗିଛି। ୨ ଦିନ ପୂର୍ବରୁ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ପେଟିଏମ୍ ପେମେଣ୍ଟ ବ୍ୟାଙ୍କକୁ କ୍ରେଡିଟ୍ କାରବାର ଏବଂ କୌଣସି ପ୍ରକାର ଜମା ନେବାକୁ ବାରଣ କରିଛି। ଏଥି ସହିତ, ଜମାକାରୀଙ୍କ ଅର୍ଥକୁ ସୁରକ୍ଷିତ ସୁନିଶ୍ଚିତ କରିବା ପରେ ଆରବିଆଇ ଆସନ୍ତା ମାସ ଆରମ୍ଭରେ ପେଟିଏମ୍ ପେମେଣ୍ଟ ବ୍ୟାଙ୍କର ଅପରେଟିଂ ଲାଇସେନ୍ସ ବାତିଲ କରିବାକୁ ଚିନ୍ତା କରୁଛି। ଏହି ବିଷୟରେ ଜ୍ଞାନ ଥିବା ବ୍ୟକ୍ତିମାନେ ବ୍ଲୁମବର୍ଗକୁ ଏହି ସୂଚନା ଦେଇଛନ୍ତି। ଆରବିଆଇର କାର୍ଯ୍ୟାନୁଷ୍ଠାନ ହେତୁ ପେଟିଏମ୍ ସେୟାର କ୍ରମାଗତ ଦ୍ୱିତୀୟ ଦିନରେ ଗୁରୁତର ଭାବେ ହ୍ରାସ ପାଇବାରେ ଲାଗିଛି। ଶୁକ୍ରବାର ପେଟିଏମର ସେୟାରକୁ କୌଣସି ଖରିଦଦାର କିଣିନଥିବା ଦେଖିବାକୁ ମିଳିଥିଲା।
୨୯ ଫେବୃଆରୀ ପରେ କାର୍ଯ୍ୟାନୁଷ୍ଠାନ ନେଇପାରେ ଆରବିଆଇ
ବ୍ଲୁମବର୍ଗକୁ ସୂତ୍ରରୁ ପ୍ରକାଶ ଯେ ଫେବୃଆରୀ ୨୯ ତାରିଖ ପରେ ଆରବିଆଇ କାର୍ଯ୍ୟାନୁଷ୍ଠାନ ଗ୍ରହଣ କରିପାରିବ। ଉଲ୍ଲଂଘନଗୁଡ଼ିକରେ ଗ୍ରାହକ ଡକ୍ୟୁମେଣ୍ଟେସନ୍ ନିୟମର ଅପବ୍ୟବହାର ଏବଂ ମ୍ୟାଟେରିଆଲ କାରବାରର ପ୍ରକାଶନ ନହେବା ଅନ୍ତର୍ଭୁକ୍ତ। ଏପର୍ଯ୍ୟନ୍ତ କୌଣସି ଚୂଡ଼ାନ୍ତ ନିଷ୍ପତ୍ତି ନିଆଯାଇ ନାହିଁ ଏବଂ ପେଟିଏମର ପ୍ରତିନିଧିତ୍ୱ ଉପରେ ଆଧାର କରି ଆରବିଆଇର ଚିନ୍ତାଧାରା ବଦଳିପାରେ ବୋଲି ବିଶ୍ୱସ୍ତ ସୂତ୍ରରୁ ଜଣାପଡ଼ିଛି।
ସେପଟେ ପେମେଣ୍ଟ ବ୍ୟାଙ୍କର ଜବାବ ଆସିନଥିବା ଜଣାପଡ଼ିଛି। ପେଟିଏମ୍ ବ୍ୟାଙ୍କର ମୁଖପାତ୍ର କହିଛନ୍ତି ଯେ ସମ୍ପ୍ରତି ଆରବିଆଇ ନିର୍ଦ୍ଦେଶନାମା ହେଉଛି ଚାଲିଥିବା ପର୍ଯ୍ୟବେକ୍ଷକ ଯୋଗଦାନ ଏବଂ ଅନୁପାଳନ ପ୍ରକ୍ରିୟାର ଏକ ଅଂଶ। ମୁଖପାତ୍ର କହିଛନ୍ତି ଯେ ଆରବିଆଇର ଅନୁପାଳନ ଏବଂ ତଦାରଖ ନିର୍ଦ୍ଦେଶ ଉପରେ ମଧ୍ୟ ବ୍ୟାଙ୍କ ଧ୍ୟାନ ଦେଇଛି।