ଅନୁବାଦ କବିତା : ସ୍ମୃତି

ସ୍ପେନର କବି ଉଆନ ରମୋନ ହିମେନେଜ ୧୮୮୧ ରେ ଜନ୍ମ ଗ୍ରହଣ କରିଥିଲେ। ରୁବେନ ଡାରିଓଙ୍କ ନେତୃତ୍ୱରେ ସେ ସ୍ପେନର ସାହିତ୍ୟିକ ନବଜାଗରଣର ପୁରୋଧା ଥିଲେ। ତାଙ୍କର ପ୍ରଥମ କବିତାମାନ ଜର୍ମାନୀର ରୋମାଣ୍ଟିକ ଓ ଫ୍ରାନ୍ସର ସାଙ୍କେତିକ ପ୍ରୟୋଗ ଦ୍ୱାରା ପ୍ରଭାବିତ ହୋଇଥିଲା। ପରବର୍ତ୍ତୀ କାଳରେ କିଛିଟା ଧାର୍ମିକ ଚିନ୍ତାଧାରା ତାଙ୍କ କବିତାରେ ପ୍ରବେଶ କରିଥିଲା। ୧୯୫୬ ମସିହାରେ ସେ ସାହିତ୍ୟ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ନୋବେଲ ପୁରସ୍କାର ପାଇଥିଲେ।