ଭୁବନେଶ୍ୱର:କଳିଙ୍ଗ ଷ୍ଟାଡିୟମରେ ଚାଲିଥିବା ସାଫ ୨୦ ବର୍ଷରୁ କମ ଚାମ୍ପିୟନଶିପରେ ଭାରତୀୟ ଫୁଟବଲ ଦଳ ପ୍ରଥମ ବିଜୟ ହାସଲ କରିଛି । ଶୁକ୍ରବାର ଅନୁଷ୍ଠିତ ମ୍ୟାଚରେ ଭାରତ ୪-୦ ଗୋଲରେ ଶ୍ରୀଲଙ୍କାକୁ ପରାସ୍ତ କରିଥିଲା । ଏହି ମ୍ୟାଚରେ ଭାରତ ସମ୍ପୂର୍ଣ୍ଣ ଭାବେ ଶୃଙ୍ଖଳିତ ପ୍ରଦର୍ଶନ କରିଥିଲା । ବିପକ୍ଷ ଦଳକୁ ମ୍ୟାଚକୁ ପ୍ରତ୍ୟାବର୍ତନ କରାଇବାରେ କୌଣସି ସୁଯୋଗ ଦେଇ ନ ଥିଲେ । ବିଜୟୀ ଦଳ ପକ୍ଷରୁ ପାର୍ଥୀବ ଗୋଗେଇ(୬୯ତମ, ୯୩ତମ) ସର୍ବାଧିକ ୨ଟି ଗୋଲ ସ୍କୋର କରିଥିବା ବେଳେ ହିମାଂଶୁ ଜାଙ୍ଗ୍ରା (୫୦ତମ) ଓ ଗୁରକୀରଟ ସିଂ (୭୦ତମ)ଗୋଟିଏ ଲେଖାଁଏ ଗୋଲ ଦେଇଥିଲେ । ଭାରତ ଏହା ପରେ ନେପାଳ ଓ ମାଲଡିଭ୍ସ ଭେଟିବ । ବାଂଲାଦେଶ ବିପକ୍ଷ ପ୍ରଥମ ମୁକାବିଲାରେ ଟିମଇଣ୍ଡିଆ ୧-୨ ଗୋଲରେ ପରାସ୍ତ ହୋଇଥିଲା । ବାକି ଥିବା ୨ଟି ମ୍ୟାଚରେ ବିଜୟୀ ହୋଇ ଭାରତ ପଂଏଟ ଟେବୁଲରେ ଶୀର୍ଷ ସ୍ଥାନ ହାସଲ କରିବାକୁ ଚାହିଁବ ।
Comments are closed.