ପୁରୀ: ଅନ୍ତର୍ଜାତୀୟ ଖ୍ୟାତି ସମ୍ପନ୍ନ ବାଲୁକା କଳା ଶିଳ୍ପୀ ସୁଦର୍ଶନ ପଟ୍ଟନାୟକ ପୁରୀ ବେଳାଭୂମିରେ ବାଲିରେ ଏକ ସୁଦୃଶ୍ୟ ଲମ୍ବା ବ୍ୟାଟ ନିର୍ମାଣ କରି ବିରାଟ କୋହଲୀଙ୍କ ଟିମ୍ ଇଣ୍ଡିଆକୁ ଅଭିନନ୍ଦନ ଜ୍ଞାପନ କରିଛନ୍ତି ।
#AbhinandanTeamIndia for winning against Pakistan in @ICC World Cup #CWC19 . My SandArt of 20ft long cricket bat at puri beach in Odisha. #INDvPAK pic.twitter.com/nXhVfB0nzn
— Sudarsan Pattnaik (@sudarsansand) June 17, 2019
ରବିବାର ଦିନ ଅନୁଷ୍ଠିତ ହୋଇଥିବା ବିଶ୍ୱକପର ବହୁ ପ୍ରତିକ୍ଷୀତ ଭାରତ-ପାକିସ୍ତାନ ମ୍ୟାଚରେ ଚିର ପ୍ରତିଦ୍ୱନ୍ଦ୍ୱୀ ପାକିସ୍ତାନକୁ ଭାରତୀୟ ଦଳ ୮୯ ରନରେ ପରାସ୍ତ କରି ଏକ ବୃହତ ବିଜୟ ହାସଲ କରିପାରିଛି । ବିଶ୍ୱର କୋଟି କୋଟି କ୍ରିକେଟପ୍ରେମୀ ଏହି ମ୍ୟାଚଟିକୁ ଟିଭି ଓ ଅନଲାଇନ୍ ମାଧ୍ୟମରେ ଉପଭୋଗ କରିଥିଲେ । ଭାରତର ଏହି ବିଜୟରେ ଭାରତୀୟ କ୍ରିକେଟ ଫାନମାନେ ବିଭିନ୍ନ ସ୍ଥାନରେ ବିଜୟ ଉତ୍ସବ ପାଳନ କରିଥିବା ନଜରକୁ ଆସିଛି ।
ପୁରୀ ବେଳାଭୂମୀରେ ପ୍ରଖ୍ୟାତ ବାଲୁକା କଳା ଶିଳ୍ପୀ ସୁଦର୍ଶନ ପଟ୍ଟନାୟକ ୨୦ ଫୁଟ ଲମ୍ବ ବିଶିଷ୍ଟ ଏକ ବିରାଟ ବ୍ୟାଟ ବାଲିରେ ନିର୍ମାଣ କରି ଭାରତୀୟ ଦଳକୁ ଶୁଭେଚ୍ଛା ଜଣାଇଛନ୍ତି ।
Best Wishes to #TeamIndia for #IndiaVsPakistan match at #CWC19 . Play like champions. Good Luck. My SandArt at Puri Beach in Odisha. pic.twitter.com/EHLzWQ9q5A
— Sudarsan Pattnaik (@sudarsansand) June 16, 2019
ଆହୁରିମଧ୍ୟ ସୁଦର୍ଶନ ରୋହିତଙ୍କ ଶତକୀୟ ଇନିଂସର ପ୍ରଶଂସା କରିବା ସହିତ ତାଙ୍କୁ ବାଲୁକା କଳାରେ ଅଭିନନ୍ଦନ କରିଛନ୍ତି । ଏହି ବାଲୁକା ପ୍ରତିକୃତିକୁ ଦେଖିବା ଲାଗି ପୁରୀ ସମୁଦ୍ରକୁ ବୁଲି ଆସୁଥିବା ଶହ ଶହ ଦର୍ଶକ ପ୍ରଶଂସା କରିବାକୁ ଭୁଲୁନାହାନ୍ତି ।
ଏଠାରେ ଉଲ୍ଲେଖଯୋଗ୍ୟ, କ୍ରିକେଟ ବିଶ୍ୱକପରେ ଭାରତ-ପାକିସ୍ତାନ ମଧ୍ୟରେ ସମୁଦାୟ ୭ଟି ମ୍ୟାଚ ଅନୁଷ୍ଠିତ ହୋଇଛି । ଏହି ୭ଟି ମ୍ୟାଚରେ ପାକିସ୍ତାନ ଦଳକୁ ଭାରତ ପରାସ୍ତ କରି ଏକ ବିରଳ ରେକର୍ଡ଼ ସୃଷ୍ଟି କରିଛି ।