ପୁରୀ: ଅବଢ଼ା ହେଉଛି ଶ୍ରୀମନ୍ଦିର ଅନୁଭୂତିର ଏକ ପ୍ରମୁଖ ଦିଗ, ଏହା ଓଡ଼ିଶାବାସୀଙ୍କ ପାଇଁ ଗର୍ବର ବିଷୟ। କିନ୍ତୁ ଏହି ଅବଢା ପ୍ରସ୍ତୁତିରେ ଆବଶ୍ୟକ ନିୟମ ପାଳନ ହେଉନାହିଁ ବୋଲି ଅଭିଯୋଗ ଆଣିଛନ୍ତି ଶ୍ରୀଜଗନ୍ନାଥ ମନ୍ଦିରର ସୁଆର ମହାସୁଆର ନିଯୋଗର ସଦସ୍ୟ। ଏପରିକି ଅବଢା ବିକ୍ରି ହେଉଥିବା ଟଙ୍କ ତୋରାଣି ପ୍ରସ୍ତୁତିରେ ଯେଉଁ ସବୁ ଜିନିଷ ବାରଣ ରହିଛି ତାକୁ ବ୍ୟବହାର କରାଯାଉଥିବା ଅଭିଯୋଗ ଆଣିଛି ସୁଆର ମହାସୁଆର ନିଯୋଗ।
ଯଦି ଅବଢ଼ା ବିକ୍ରି ହେଉଥିବା ଆନନ୍ଦ ବଜାରର ଅବ୍ୟବସ୍ଥା ଅଭିଯୋଗ ଆଣି ଶ୍ରୀମନ୍ଦିରର ପବିତ୍ର ଖାଦ୍ୟ ଅବଢ଼ା ରୋଷେଇ ବନ୍ଦ କରିବାକୁ ଚେତାବନୀ ଦେଇଛନ୍ତି।
ଆନନ୍ଦ ବଜାରରେ ଟଙ୍କ ତୋରାଣି, ରାବଡି, ଖିରି, ପେଡ଼ା, ଖୁଆ ଭଳି କିଛି ସାମଗ୍ରୀ ବେଆଇନ ଭାବେ ବିକ୍ରି ହେଉଥିବା ସୁଆର ମହାସୁଆରମାନେ ଅଭିଯୋଗ କରିଛନ୍ତି। ଆନନ୍ଦ ବଜାରରେ ଅଣସେବକମାନେ ମହାପ୍ରସାଦ, ଟଙ୍କ ତୋରାଣି, ଅନ୍ୟାନ୍ୟ ମିଠା ସାମଗ୍ରୀ ବିକ୍ରି ନକରିବା ପାଇଁ ବାରମ୍ବାର ଦାବି କରୁଥିଲେ ମଧ୍ୟ ଶ୍ରୀଜଗନ୍ନାଥ ମନ୍ଦିର ପ୍ରଶାସନ ପକ୍ଷରୁ କୌଣସି ପଦକ୍ଷେପ ନିଆଯାଉନାହିଁ ବୋଲି ସେମାନେ ଦାବି କରିଛନ୍ତି।
ନିଜୋଗ ସଭାପତି ପଦ୍ମନାଭ ମହାସୁଆର କହିଛନ୍ତି ଯେ, ୨୦୧୭ ମସିହାରୁ ଶ୍ରୀମନ୍ଦିର ପ୍ରଶାସନ ପକ୍ଷରୁ ମନ୍ଦିରରେ ଟଙ୍କ ତୋରଣି ବିକ୍ରି ଉପରେ କଟକଣା ଜାରି କରାଯାଇଥିଲେ ମଧ୍ୟ ଗତ ୧୦ରୁ ୧୫ ଦିନ ମଧ୍ୟରେ କିଛି ଅଣ ସେବାୟତ ଆନନ୍ଦ ବଜାରରେ ପୁଣି ଟଙ୍କ ତୋରଣ ବିକ୍ରି ଆରମ୍ଭ କରିଛନ୍ତି। ମହାସୁଆର ମଧ୍ୟ ଦାବି କରିଛନ୍ତି ଯେ କିଛି ବିକ୍ରେତା ନଳକୂପର ପାଣି, ଚାଇନା ଲୁଣ, ମନ୍ଦିର ରୋଷେଇରେ ବାରଣ ଥିବା ଅନ୍ୟାନ୍ୟ ସାମଗ୍ରୀକୁ ନେଇ ଟଙ୍କ ତୋରାଣି ପ୍ରସ୍ତୁତ କରୁଛନ୍ତି।
ଏପରିକି ସୁଆର ମହାସୁଆର ନିଯୋଗର ନଥିବା କିଛି ସେବାୟତ ମନ୍ଦିର ରୋଷେଇ ଘରେ ତିଆରି ହୋଇନଥିବା ରାବଡି, ଖିରି, ଖୁଆ ଆଦି ମିଠା ବିକ୍ରି କରୁଥିବା ନେଇ ନିଜୋଗ ପକ୍ଷରୁ ଅଭିଯୋଗ ହୋଇଛି।
ନିଯୋଗରେ ୧୧୦୦ ରୋଷେୟା ଓ ମୁଖ୍ୟ ରୋଷେୟା ଥିବା ବେଳେ ୨ ହଜାର ଶ୍ରମିକ ପରିବା କାଟିବା, କାଠ ଓ ପାଣି ଆଣିବା ଓ ରୋଷେଇରେ ଅନ୍ୟ କାମରେ ସାହାଯ୍ୟ କରନ୍ତି। ଏହି ରୋଷେଇ ଘରେ ହାରାହାରି ଦିନରେ ୫୦ ହଜାରରୁ ଅଧିକ ତୀର୍ଥଯାତ୍ରୀଙ୍କୁ ଖାଇବାକୁ ଦିଆଯାଉଥିବା ବେଳେ ବିଶେଷ ଅବସରରେ ଏହି ସଂଖ୍ୟା ଏକ ଲକ୍ଷକୁ ବୃଦ୍ଧି ପାଇଥାଏ।
ଖୁବଶୀଘ୍ର ଏ ନେଇ ବୈଠକ ବସିବ ଓ ଶ୍ରୀମନ୍ଦିର ପ୍ରଶାସନ ଆବଶ୍ୟକ ପଦକ୍ଷେପ ନନେଲେ ମହାପ୍ରସାଦ ପ୍ରସ୍ତୁତି ବନ୍ଦ କରିବା ନେଇ ନିଷ୍ପତ୍ତି ନିଆଯିବ ବୋଲି ନିଜୋଗ ମୁଖ୍ୟ କହିଛନ୍ତି। ଯଦି ଅବଢ଼ା ରୋଷେଇ ବନ୍ଦ କରେ ନିଜୋଗ, ତେବେ ଶ୍ରୀଜଗନ୍ନାଥ ମନ୍ଦିର ଓ ଏଠାକୁ ଆସୁଥିବା ଶ୍ରଦ୍ଧାଳୁଙ୍କ ପାଇଁ ଏହା ବଡ଼ ଝଟକା ହେବ।