ମିରଟ:ଇଣ୍ଡିଆନ ପ୍ରିମିୟର ଲିଗର ୧୩ତମ ସଂସ୍କରଣ ତାରିଖ ସ୍ପଷ୍ଟ ହେବା ପରେ ପ୍ରଶଂସକଙ୍କ ଉତ୍କଣ୍ଠା ବଢ଼ିଛି । ଫ୍ରାଚାଂଇଜ ଏବଂ ଖେଳାଳିମାନେ ମଧ୍ୟ ଏଥିନେଇ ପ୍ରସ୍ତୁତି ଆରମ୍ଭ କରି ଦେଲେଣି । ଦୁଇ ଧୂଆଁଧାର ବ୍ୟାଟ୍ସମ୍ୟାନ ଋଷଭ ପନ୍ତ ଏବଂ ସୁରେଶ ରାଇନା ଏଥିପାଇଁ ନୂଆ ବ୍ୟାଟ କିଣିଥିବା ଜଣାପଡିଛି । ମିରଟର ଏସଜି କମ୍ପାନୀରେ ଉଭୟ ପଂହଚି ପସନ୍ଦ ମୁତାବକ ବ୍ୟାଟ କ୍ରୟ କରିଥିଲେ ।
କମ୍ପାନୀର ମ୍ୟାନେଜର ସୌରଭ ଗୁପ୍ତା ଏହି ଦୁଇ ବ୍ୟାଟ୍ସମ୍ୟାନଙ୍କୁ ବ୍ୟାଟ ଦେଖାଇବାରେ ସହାୟତା କରିଥିଲେ । ରାଇନା ବ୍ୟାଟ କିଣୁଥିବା ଭିଡିଓ ଓ ଫଟୋ ସୋସିଆଲ ସାଇଟରେ ଶେୟାର କରିଛନ୍ତି । ସେମାନେ ହାତ ସାନିଟାଇଜ କରି ବ୍ୟାଟ କିଣିଥିଲେ ।