ରାୟପୁର: ଛତିଶଗଡ଼ର ଉଦନ୍ତୀ ସୀତାନଦୀ ବ୍ୟାଘ୍ର ସଂରକ୍ଷଣ ପ୍ରକଳ୍ପ (USTR) ଅଞ୍ଚଳରେ ପ୍ରାୟ ୫୦୦ରୁ ଅଧିକ କ୍ଷତିଗ୍ରସ୍ତ ଗଛକୁ ବଞ୍ଚାଇବା ପାଇଁ ଏକ ଅଭିନବ ‘ଅସ୍ତ୍ରୋପଚାର’ (Tree Surgery) କରାଯିବ। କିଛି ଦୁର୍ବୃତ୍ତ ଗଛଗୁଡ଼ିକର ଚାରିପାଖରୁ ବାହାର ବକ୍କଳ ବା ଛାଲକୁ କାଟି ବାହାର କରିଦେଇଛନ୍ତି (ଯାହାକୁ ‘ଗିର୍ଡଲିଂ’ ବୋଲି କୁହାଯାଏ)। ଏହାଦ୍ଵାରା ଗଛକୁ ପୋଷକ ତତ୍ତ୍ଵ ମିଳିବା ବନ୍ଦ ହୋଇଯାଏ ଏବଂ ଧୀରେ ଧୀରେ ଗଛଟି ମରିଯାଏ।
ରିପୋର୍ଟ ଅନୁଯାୟୀ, ବନ ବିଭାଗ “ଅସ୍ତ୍ରୋପଚାର” କିମ୍ବା “ବ୍ରିଜ୍-ଗ୍ରାଫ୍ଟିଂ” ଭଳି କୌଶଳ ବ୍ୟବହାର କରି ଗଛଗୁଡ଼ିକୁ ବଞ୍ଚାଇବା ପାଇଁ ବିଶେଷଜ୍ଞଙ୍କ ସାହାଯ୍ୟ ନେଉଛି। ଗାର୍ଡଲିଂ ହେଉଛି ଏକ ପ୍ରକ୍ରିୟା ଯେଉଁଥିରେ ଗଛର ଗଣ୍ଡି ଚାରିପାଖରୁ ଛାଲର ଏକ ଅଂଶ କଢ଼ାଯାଏ, ଯାହା ଗଛକୁ ପୋଷକ ତତ୍ତ୍ୱ ଯୋଗାଣ ବନ୍ଦ କରିଦିଏ ଏବଂ ଶେଷରେ ଏହା ଶୁଖିଯାଏ ଏବଂ ମରିଯାଏ। ଏପରି ୫୦୦ ଟି ଗଛର ଛାଲ ବାହାର କରିଦିଆଯାଇଛି। ଏଭଳି ସ୍ଥିତିରେ ଗଛକୁ ବଞ୍ଚାଇବା ପାଇଁ ‘ଗ୍ରାଫ୍ଟିଂ’ (Grafting) ବା କଲମୀ କରାଯିବ, ଯାହାଦ୍ୱାରା ନଷ୍ଟ ହୋଇଯାଇଥିବା ଟିସୁଗୁଡ଼ିକ ପୁଣି ଯୋଡ଼ି ହୋଇପାରିବ ଏବଂ ଗଛକୁ ଖାଦ୍ୟ ଓ ଜଳ ମିଳିପାରିବ।
ଏହି ପ୍ରକ୍ରିୟା ପାଇଁ ବ୍ୟାଘ୍ର ସଂରକ୍ଷଣ କର୍ତ୍ତୃପକ୍ଷ ଏହି ଜଟିଳ ଉପଚାର ପାଇଁ ବୈଷୟିକ ଜ୍ଞାନକୌଶଳ ସହ ବିଶେଷଜ୍ଞ ମାନଙ୍କର ସହାୟତା ଲୋଡ଼ିଛନ୍ତି। ଏହା ଜଙ୍ଗଲ ପୁନରୁଦ୍ଧାର ଏବଂ କଠୋର ସୁରକ୍ଷା ବ୍ୟବସ୍ଥା କାର୍ଯ୍ୟକାରୀ କରିବାର ଜରୁରୀ ଆବଶ୍ୟକତାକୁ ମଧ୍ୟ ସ୍ପଷ୍ଟ କରେ। ଏହା ବ୍ୟତୀତ, କାରକା ପାଇଁ ଦାୟୀ ଲୋକଙ୍କ ବିରୁଦ୍ଧରେ ଆଇନଗତ କାର୍ଯ୍ୟାନୁଷ୍ଠାନ ଜରୁରୀ। ଗତ କିଛି ବର୍ଷ ମଧ୍ୟରେ ଅନେକ ଗଛ କ୍ଷତିଗ୍ରସ୍ତ ହୋଇଛି ଏବଂ ସମ୍ପ୍ରତି ୫୦୦ରୁ ଅଧିକ ଗଛର ଛାଲ କାଟି ଦିଆଯାଇଛି। ଏହା ଚିନ୍ତା ସୃଷ୍ଟି କରୁଛି ଯେ ଜବରଦଖଲକୁ ଆହୁରି ବୃଦ୍ଧି କରିବା ପାଇଁ ଜାଣିଶୁଣି ଗଛଗୁଡ଼ିକୁ କ୍ଷତି ପହଞ୍ଚାଯାଉଛି।
ଉଦନ୍ତୀ ସୀତାନଦୀ ବ୍ୟାଘ୍ର ସଂରକ୍ଷଣ (USTR)ର ଜଙ୍ଗଲକୁ ସୁରକ୍ଷା ଦେବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ, କାରଣ ଏହା ଜୈବ ବିବିଧତା ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି USTRର ଉପ ନିର୍ଦ୍ଦେଶକ ବରୁଣ ଜୈନ କହିଛନ୍ତି। କଟାଯାଇଥିବା ଗଛଗୁଡ଼ିକୁ ସୁରକ୍ଷା ଦେବା ପାଇଁ ଏଭଳି ପଦକ୍ଷେପ ନିଆଯାଉଛି।ପରିବେଶକୁ ସୁରକ୍ଷିତ ରଖିବା ଏବଂ ଏହି ମୂଲ୍ୟବାନ ବୃକ୍ଷଗୁଡ଼ିକୁ ମୃତ୍ୟୁ ମୁଖରୁ ବଞ୍ଚାଇବା ପାଇଁ ବନ ବିଭାଗ ପକ୍ଷରୁ ଏଭଳି ଏକ ପ୍ରଶଂସନୀୟ ପଦକ୍ଷେପ ଗ୍ରହଣ କରାଯାଇଛି।