ଭୁବନେଶ୍ୱର: ଓଡିଆ ଅଭିନେତ୍ରୀଙ୍କୁ ଅସଦାଚରଣ କରିବା ଅଭିଯୋଗରେ କମିଶନରେଟ୍ ପୋଲିସ ଶୁକ୍ରବାର ଦିନ ୨ଜଣଙ୍କୁ ଗିରଫ କରିଛି ।
କମିଶନରେଟ୍ ପୋଲିସ ଏନେଇ ଗୁରୁବାର ଦିନ ନିଜ ଟ୍ୱିଟର ହ୍ୟାଣ୍ଡଲରେ ଏକ ପୋଷ୍ଟ କରିଥିଲେ । ଉକ୍ତ ପୋଷ୍ଟ ଅନୁଯାୟୀ ଅଭିନେତ୍ରୀଙ୍କ ପକ୍ଷରୁ ଲିଖିତ ଅଭିଯୋଗ ପାଇବା ପରେ ପୋଲିସ ଆକ୍ସନ ନେବା ସହ ଗତ ୨୦-୨୧ ତାରିଖରେ ନୟାପଲ୍ଲୀ ଥାନା ଅଞ୍ଚଳରେ ଏଭଳି କାଣ୍ଡ ଭିଆଇଥିବା ବ୍ୟକ୍ତିଙ୍କୁ ଗିରଫ କରିଛି ।
The two accused in the incident involving some actors on 20-21 October intervening night under Nayapalli PS limit have been arrested, as per law, after a written complaint was received.@SarangiSudhansu @anupkumarsahoo @dcpbbsr
— COMMISSIONERATE POLICE (@cpbbsrctc) October 24, 2019
ଭୁବନେଶ୍ୱର ଡିସିପି ଅନୁପ ସାହୁ ଏନେଇ ସ୍ପଷ୍ଟ କରିଛନ୍ତି ।
ସୂଚନାଯୋଗ୍ୟ, ଜଣେ ଓଡିଆ ଅଭିନେତ୍ରୀ ଗତ ବୁଧବାର ଦିନ ଏକ ସୁଟିଂ ସାରି ନିଜ ସହକର୍ମୀଙ୍କ ସହ କାରରେ ଘରକୁ ଫେରୁଥିବା ବେଳେ ନୟାପଲ୍ଲୀ ନିକଟରେ ୨ଜଣ ଅଜଣା ବ୍ୟକ୍ତି ବାଇକରେ ଆସି ତାଙ୍କୁ ହଇରାଣ ହରକତ କରିଥିଲେ । ପରେ ଏନେଇ ଏକ ଭିଡିଓ ସୋସିଆଲ୍ ମିଡିଆରେ ଭାଇରାଲ ହେବାପରେ ଘଟଣାଟି ଲୋକଲୋଚନକୁ ଆସିଥିଲା ।
ପରେ ଏହି ଘଟଣାରେ ଅଭିନେତ୍ରୀ ଜଣକ ନୟାପଲ୍ଲୀ ଥାନାରେ ଅଭିଯୋଗ କରିଥିଲେ ।