ମୁମ୍ବାଇ: ପ୍ରସିଦ୍ଧ ବଲିଉଡ ଅଭିନେତା ନାନା ପାଟେକରଙ୍କ ଦେହାନ୍ତ ହୋଇଛି। ମୃତ୍ୟୁ ବେଳକୁ ତାଙ୍କୁ ୭୫ ବର୍ଷ ହୋଇଥିଲା।
ମିଡ଼ିଆ ସୂଚନା ଅନୁଯାୟୀ, ନାନା ପାଟେକରଙ୍କୁ ତାଙ୍କ ଗୋଆ ଘରେ ଅଚେତ ଅବସ୍ଥାରେ ଉଦ୍ଧାର କରାଯାଇଥିଲା। ଏହାପରେ ତାଙ୍କୁ ହସ୍ପିଟାଲକୁ ନିଆଯାଇଥିଲା, ଯେଉଁଠାରେ ଡାକ୍ତରମାନେ ତାଙ୍କୁ ମୃତ ଘୋଷଣା କରିଥିଲେ।
ମଣିପାଲ ହସ୍ପିଟାଲର ମୁଖ୍ୟ ଡାକ୍ତର ଶେଖର ସାଲକର କହିଛନ୍ତି ଯେ ୪୫ ମିନିଟ୍ ପର୍ଯ୍ୟନ୍ତ ନିରନ୍ତର CPR ଦେବା ସତ୍ତ୍ୱେ ତାଙ୍କୁ ପୁନର୍ଜୀବିତ କରାଯାଇପାରିଲା ନାହିଁ। ଏକ ମେଡିକୋ-ଲିଗାଲ୍ ମାମଲା (MLC) ରୁଜୁ କରାଯାଇଛି ଏବଂ ପୋଷ୍ଟମର୍ଟମ୍ କରାଯିବ।
ତେବେ ନାନା ପାଟେକରଙ୍କ ପ୍ରାୟ ୫ ଦଶନ୍ଧିର ଲମ୍ବା ଫିଲ୍ମ କ୍ୟାରିଅର ରହିଛି। ଏହା ମଧ୍ୟରେ ସେ ୩ ଥର ଜାତୀୟ ଚଳଚ୍ଚିତ୍ର ପୁରସ୍କାରରେ ସମ୍ମାନିତ ହୋଇଛନ୍ତି। ପରିନ୍ଦା, କ୍ରାନ୍ତିବୀର ଓ ଅଗ୍ନିସାକ୍ଷୀ ଭଳି ଫିଲ୍ମ ପାଇଁ ତାଙ୍କୁ ଜାତୀୟ ଚଳଚ୍ଚିତ୍ର ପୁରସ୍କାର ମିଳିଥିଲା।
ପ୍ରାଥମିକ ତଦନ୍ତରୁ ଜଣାପଡୁଛି ଯେ ନାନା ପାଟେକର ହୃଦଘାତର ଶିକାର ହୋଇଥିଲେ। ପରିବାର ଏବଂ ନିକଟତମ ସୂତ୍ରରୁ ସୂଚନା ପାଇବା ପରେ ଚଳଚ୍ଚିତ୍ର ଶିଳ୍ପରେ ଶୋକର ଛାୟା ଖେଳିଯାଇଛି।