କେନ୍ଦୁଝର : ସାବିତ୍ରୀ ବତ୍ରରେ ସ୍ୱାମୀର ଦୀର୍ଘାୟୁ କାମନା କରି ପୂଜା କରୁଥିବା ବେଳେ ବିପଦ ମୁଖରେ ପଡ଼ିଲେ ମହିଳା । ସାମାନ୍ୟ ଅସାବଧାନତା କାରଣରୁ ଦୀପରୁ ଦେହରେ ଲାଗିଗଲା ନିଆଁ । ଏଭଳି ଦୁଃଖଦ ଘଟଣା ଘଟିଛି କେନ୍ଦୁଝର ଜିଲ୍ଲା ଆନନ୍ଦପୁର ସହରରେ ।
ଗତକାଲି ସାବିତ୍ରୀ ବତ୍ରରେ ବଡ଼ ଅଘଟଣ ଘଟଯାଇଛି । ବ୍ରତ କରିବା ସମୟରେ ଦୀପରୁ ନିଆଁ ଲାଗି ଜଣେ ମହିଳା ପୋଡ଼ି ହୋଇଯାଇଛନ୍ତି । ଆହତ ମହିଳା ଜଣକ ହେଲେ ଆନନ୍ଦପୁର ସହରର ଜଣେ ପ୍ରତିଷ୍ଠିତ ମିଠା ବ୍ୟବସାୟୀଙ୍କ ବୋହୂ ।ସାବିତ୍ରୀ ବ୍ରତରେ ଗତକାଲି ମହିଳାଙ୍କ ଘରେ ପୂଜାପାଠ ଚାଲିଥିଲା । ଏହି ପୂଜାରେ ଅନ୍ୟ ମହିଳାମାନେ ମଧ୍ୟ ସାମିଲ ହୋଇଥିଲେ । ହଠାତ୍ ମହିଳାଙ୍କ ଶାଢ଼ିରେ ଦୀପରୁ ନିଆଁ ଲାଗିଯାଇଥିଲା । ନିଆଁରେ ମହିଳାଙ୍କ ଶରୀରର କିଛି ଅଂଶ ପୋଡ଼ି ଯାଇଥିଲା। ପରିବାର ଲୋକେ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ନିକଟସ୍ଥ ଡାକ୍ତରଖାନାରେ ଭର୍ତ୍ତି କରିଥିଲେ। ସେଠାରେ ତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ କଟକର ଏକ ଘରୋଇ ହସ୍ପିଟାଲକୁ ସ୍ଥାନାନ୍ତର କରାଯାଇଛି।