ମାଲେସିଆ: ଦୁନିଆରେ ଅନେକ ପ୍ରକାରର ସାପ ଅଛନ୍ତି । ଏଥିମଧ୍ୟରୁ କିଛି ବହୁତ ଛୋଟ ହୋଇଥିବାବେଳେ ଆଉ କିଛିର ଆକାର ଏତେ ବଡ ଯେ ଆଖି ଏହାକୁ ବିଶ୍ୱାସ କରିପାରେ ନାହିଁ । ନିକଟରେ ଦୁନିଆର ସବୁଠୁ ବଡ ଅଜଗର୍ର ମୃତ୍ୟୁ ହୋଇଛି । ଏହାର ଲମ୍ବା ଥିଲା ଆଠ ମିଟର । ଅଣ୍ଡା ଦେବା ବେଳେ ଅଜଗରଟି ମୃତ୍ୟୁବରଣ କରିଛି । ସବୁଠୁ ଆଶ୍ଚର୍ଯ୍ୟର କଥା ଏହି ଅଜଗରକୁ ଉଠାଇବା ପାଇଁ ୮ ଜଣଙ୍କର ସହାୟତା ନିଆଯାଇଥିଲା ।
ଏପ୍ରିଲ୍ ୭ ତାରିଖରେ ମାଲେସିଆର ପେନାଙ୍ଗ ଦ୍ୱୀପରୁ ଏହି ଅଜଗର ମୃତଦେହ ଉଦ୍ଧାର କରାଯାଇଛି, ଯାହାକି ଦୁନିଆର ଦୀର୍ଘତମ ଅଜଗର ଭାବେ ରେକର୍ଡ଼ କରିଥିଲା । ଅଣ୍ଡା ଦେବାବେଳେ ଏହାର ମୃତ୍ୟୁ ହୋଇଛି । ଯଦି ଏହି ଅଣ୍ଡା ଏହି ଦୁନିଆକୁ ଆସିଥାନ୍ତା, ତେବେ ବୋଧହୁଏ ସୁପର ସ୍ନେକ୍ସର ଏକ ପୁରା ସିରିଜ୍ ଯୋଡି ହୋଇଥାନ୍ତା । ଏହି ଅଜଗରର ଆକାର ଟେନିସ୍ କୋର୍ଟର ମୋଟେଇ ସହିତ ସମାନ ଥିଲା ।
ଘଟଣା ସମୟରେ ଅନେକ ଶ୍ରମିକ ସେଠାରେ ଫ୍ଲାଏ ଓଭର ନିର୍ମାଣ କାର୍ଯ୍ୟରେ ନିୟୋଜିତ ଥିଲେ । ସେଠାରେ ସେମାନେ ଏହି ବିଶାଳ ଅଜଗରକୁ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ । ସଙ୍ଗେ ସଙ୍ଗେ ସେଠାରେ ଜରୁରୀକାଳୀନ ସେବାକୁ ଡକାଯାଇଥିଲା । ସେମାନେ ଆସି ଯାଞ୍ଚ କଲାବେଳକୁ ଅଜଗରଟିର ମୃତ୍ୟୁ ହୋଇସାରିଥିଲା । ଏହାକୁ ଉଠାଇବା ପାଇଁ ଆଠ ଜଣଙ୍କ ସାହାଯ୍ୟ ନେବାକୁ ପଡିଥିଲା । ଏହାର ଓଜନ ୨୫୦ କିଲୋଗ୍ରାମ ଥିଲା । କୁହାଯାଉଛି ଯେ ଅଜଗରଟି ଅଣ୍ଡା ଦେବାବେଳେ ମୃତ୍ୟୁ ବରଣ କରିଛିି । ସାଧାରଣତଃ ଗୋଟିଏ ଅଜଗରର ଲମ୍ବ ୩ରୁ ୬ ମିଟର ଭିତରେ ରହିଥାଏ ।
Comments are closed.