ଭୁବନେଶ୍ୱର: ରହସ୍ୟମୟ ଜୀବକୁ ନେଇ ଏକ ଭିଡିଓ ଇଣ୍ଟରନେଟ୍ ରେ ଭାଇରାଲ୍ ହୋଇଛି । ଭିଡିଓରେ ଥିବା ଏକ କଳାରଙ୍ଗର ଜୀବକୁ ନେଇ ଅନେକ ଲୋକ ଭିନ୍ନଭିନ୍ନ ପ୍ରତିକ୍ରିୟା ରଖିଛନ୍ତି । କେହିକେହି ଏହାକୁ ଏଲିଅନ୍ ଜୀବ ସହ ମଧ୍ୟ ତୁଳନା କରିଛନ୍ତି ।
Anybody know what this is? pic.twitter.com/B2dQLTm4td
— stimulus package (@sunnyarkade) April 2, 2020
ସନ୍ନି ଆର୍କେଡ୍ ନାମକ ଜଣେ ଯୁବକ ଏହି ଭିଡିଓଟିକୁ ଟୁଇଟର୍ ରେ ଅପଲୋଡ୍ କରିଛନ୍ତି । ଏକ ପଥର ଉପରେ ଏହି କଳାରଙ୍ଗର ଜୀବକୁ ଦେଖିବାକୁ ମିଳିଥିଲା । ଯାହାକୁ ଅଲଗା କରିବାକୁ ଚେଷ୍ଟା କରାଯାଇଥିଲେ ବି ସମ୍ଭବ ହୋଇପାରିନଥିଲା ।
ତେବେ ସତରେ ଏହି ଜୀବର ଅସ୍ତିତ୍ୱ କ’ଣ ? ଆପଣଙ୍କ ଭଳି ଆମ ମନରେ ବି କୌତୁହଳ ଜାତ ହୋଇଥିଲା । ବହୁ ଛାନଭିନ୍ କରିବା ପରେ ଜଣାପଡିଥିଲା ଏହି ଜୀବର ପରିଚୟ ।
ଭିଡିଓରେ ଥିବା କଳାରଙ୍ଗର ଜୀବକୁ ବୁଟଲେସ୍ ଜିଆ(BOOTLACE WORM) ବୋଲି କୁହାଯାଏ । ଜୋତାର ଲେସ୍ ଭଳି ଦେଖାଯାଉଥିବା ଏହି ଜୀବ ୧୮୦ ଫୁଟ୍ ପର୍ଯ୍ୟନ୍ତ ଲମ୍ବିପାରନ୍ତି । ତେବେ ଏହି ଜୀବ ସାଙ୍ଗରେ ଖେଳିବା ଅନୁଚିତ୍, କାହିଁକି ନା ଏଥିରେ ବହୁଥିବା ଏକ ବିଷାକ୍ତ ଲାଳ ଲୋକଙ୍କୁ ପକ୍ଷାଘାତ କରାଇପାରେ ।
ପ୍ରକାଶ ଥାଉକି ଏହି ଜୀବକୁ ଆଧାର କରିକି ସ୍ପାଇଡରମ୍ୟାନ ଓ ଭେନମ ଭଳି ହଲିଉଡ ଫିଲ୍ମରେ ଏଲିଅନ ଜୀବକୁ ପିକ୍ଚରାଇଜ କରାଯାଇଥିଲା ।