ନୂଆଦିଲ୍ଲୀ: ପାକିସ୍ତାନରେ ବିରୋଧୀ ଦଳ ପିପିପିର ମୁଖ୍ୟ ବିଲାୱାଲ ଭୁଟ୍ଟୋ ଜରଦାରୀ କରୋନା ସଂକ୍ରମିତ ହୋଇଛନ୍ତି। ପାକିସ୍ତାନ ପିପୁଲ୍ସ ପାର୍ଟି (ପିପିପି)ର ୩୨ ବର୍ଷୀୟ ସଭାପତି ତଥା ଦେଶର ଦୁଇଥର ପ୍ରଧାନମନ୍ତ୍ରୀ ହୋଇଥିବା ବେନଜିର ଭୁଟ୍ଟୋଙ୍କ ପୁଅ ବିଲାୱାଲ ଭୁଟ୍ଟୋ ଗୁରୁବାର ନିଜ ଟ୍ୱିଟର ହ୍ୟାଣ୍ଡେଲରୁ ଏହି ସୂଚନା ଦେଇଛନ୍ତି। ସେ ଲେଖିଛନ୍ତି ଯେ କରୋନା ସଂକ୍ରମଣ ହେବା ପରେ ସେ ସଙ୍ଗରୋଧରେ ରହିଛନ୍ତି।
ବିଲାୱାଲ ତାଙ୍କ ଟ୍ୱିଟର ହ୍ୟାଣ୍ଡେଲରେ ଲେଖିଛନ୍ତି, ‘ମୋତେ କୋଭିଡ -୧୯ ସଂକ୍ରମିତ ହୋଇଛି ଏବଂ ମୁଁ ଅଲଗା ଅଛି। ମୋର ଏହି ରୋଗର ସାମାନ୍ୟ ଲକ୍ଷଣ ଅଛି। ମୁଁ ଘରୁ କାମ ଜାରି ରଖିବି ଏବଂ ଭିଡିଓ ଲିଙ୍କ୍ ମାଧ୍ୟମରେ ପିପିପି ଫାଉଣ୍ଡେସନ୍ ଡେ କାର୍ଯ୍ୟକ୍ରମକୁ ସମ୍ବୋଧିତ କରିବି।
ବିଲାୱାଲ ତାଙ୍କ ରାଜନୈତିକ ସଚିବ ଜାମିଲ ସୁମ୍ରୋ ସଂକ୍ରମିତ ହେବା ପରେ ବିଲାୱାଲ ଭୁଟ୍ଟୋ ଜରଦାରୀ ନିଜକୁ ରାଜନୈତିକ କାର୍ଯ୍ୟକଳାପରୁ ଦୂରେଇ ରଖିବାକୁ ନିଷ୍ପତ୍ତି ନେଇଥିଲେ।