ନୂଆଦିଲ୍ଲୀ: ବଲିଉଡ୍ର ଭେଟେରାନ ତଥା ପ୍ରସିଦ୍ଧ ଅଭିନେତା ସଞ୍ଜୟ ମିଶ୍ର। ଚଳଚ୍ଚିତ୍ରରେ ଭିନ୍ନ ଚରିତ୍ର ସହିତ ଦର୍ଶକଙ୍କ ହୃଦୟ ସବୁବେଳେ ଜିତିଆସିଛନ୍ତି।
ଏବେ ପୁଣି ଥରେ ତାଙ୍କର ଏକ ସୋସିଆଲ ମିଡିଆ ପୋଷ୍ଟ ଯୋଗୁଁ ସେ ଚର୍ଚ୍ଚାରେ ରହିଛନ୍ତି। ଏହି ପୋଷ୍ଟରେ ଭେଟେରାନ ଅଭିନେତା ପ୍ରକାଶ କରିଛନ୍ତି ଯେ ସେ ପ୍ରଥମ ଥର ପାଇଁ ନିଜ ଟଙ୍କାରେ ନାଇଟ୍ ସୁଟ୍ କିଣି ପିନ୍ଧିଛନ୍ତି।
ବାସ୍ତବରେ ସଞ୍ଜୟ ମିଶ୍ର ନିଜ ଅଫିସିଆଲ୍ ଇନଷ୍ଟାଗ୍ରାମ ଆକାଉଣ୍ଟରେ ନିଜର ଏକ ଫଟୋ ସେୟାର କରିଛନ୍ତି। ଏହି ଫଟୋରେ ସେ ଧୂସର ଏବଂ ଧଳା ରଙ୍ଗର ନାଇଟ୍ ସୁଟ୍ ପିନ୍ଧିଥିବାର ନଜର ଆସିଛନ୍ତି।
ଏହା ସହିତ ସେ ଲାପ୍ଟପ୍ରେ କିଛି କାମ କରୁଥିବା ଦୃଶ୍ୟ ମଧ୍ୟ ଦେଖିବାକୁ ମିଳିଛି। ଏହି ଫଟୋ ସେୟାର କରି ସଞ୍ଜୟ ମିଶ୍ର ଏକ ସ୍ୱତନ୍ତ୍ର ପୋଷ୍ଟ ଲେଖିଛନ୍ତି। ଯାହାକୁ ନେଇ ଅନେକ ଆଲୋଚନା ହେଉଛି।
ସୋସିଆଲ ମିଡିଆରେ ସଞ୍ଜୟ ମିଶ୍ରଙ୍କ ଏହି ପୋଷ୍ଟ ଦିନକୁ ଦିନ ଭାଇରାଲ ହେବାରେ ଲାଗିଛି। ଅଭିନେତାଙ୍କର ଅନେକ ପ୍ରଶଂସକ ତାଙ୍କର ଏହି ପୋଷ୍ଟକୁ ବହୁତ ପସନ୍ଦ କରୁଛନ୍ତି।