ଚେନ୍ନାଇ: କରୋନା ମହାମାରୀ କାଳରେ ପୁନର୍ବାର ଆରମ୍ଭ ହେବାକୁ ଯାଉଛି ଇଣ୍ଡିଆନ ପ୍ରିମିୟର ଲିଗ୍ର ୧୪ତମ ସଂସ୍କରଣ । ୫ଥର ଚାମ୍ପିୟନ ମୁମ୍ବାଇ ଇଣ୍ଡିଆନ୍ସ ବିରାଟ କୋହଲି ନେତୃତ୍ୱାଧୀନ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରକୁ ଉଦଘାଟନୀ ମୁକାବିଲାରେ ଭେଟିବ । ସନ୍ଧ୍ୟା ୭ଟା୩୦ରେ ବିନା ଦର୍ଶକରେ ଏହି ହାଇ ଭୋଲଟେଜ ମୁକାବିଲା ସମ୍ପୂର୍ଣ୍ଣ ଷ୍ଟାଇଲରେ ଆରମ୍ଭ ହେବ । ବାଙ୍ଗାଲୋର ବିପକ୍ଷରେ ମୁମ୍ବାଇର ପ୍ରଦର୍ଶନ ନିକଟରେ ଭଲ ରହିଛି । ଦଳ ଶେଷ ୧୦ଟି ମୁକାବିଲାରେ ୮ଟିରେ ବିଜୟ ହାସଲ କରିଛି । ତେବେ ଆଇପିଏଲ ପ୍ରଥମ ମୁକାବିଲାରେ ମୁମ୍ବାଇ ସବୁଠାରୁ ଅଧିକ ୮ଥର ପରାଜିତ ହୋଇଛି । ଏମଏ ଚିନ୍ନାସ୍ୱାମୀ ଗ୍ରାଉଣ୍ଡ ସମ୍ପୂର୍ଣ୍ଣ ଭାବେ ସ୍ପିନରଙ୍କ ପ୍ରଦର୍ଶନ ଉପରେ ନିର୍ଭର କରିଥାଏ । ଯେଉଁ ଦଳର ସ୍ପିନର ଭଲ ପ୍ରଦର୍ଶନ କରିବ ସେହି ଦଳ ଫାଇଦାରେ ରହିବ । ଗ୍ଲେନ ମ୍ୟାକ୍ସୱେଲଙ୍କ ଉପସ୍ଥିତି ବାଙ୍ଗାଲୋରକୁ ଭଲ ସ୍ଥିତିରେ ରଖିଛି । ତେବେ ତାଙ୍କୁ କେଉଁ ସ୍ଥାନରେ ଦଳ ଖେଳାଇବ ସେ ନେଇ ଚିନ୍ତାରେ ରହିଛି । ଅନ୍ୟ ଅର୍ଥରେ ବାଙ୍ଗାଲୋର ବ୍ୟାଟିଂ ଏବଂ ମୁମ୍ବାଇ ବୋଲରଙ୍କ ମଧ୍ୟରେ ଏହି ମ୍ୟାଚରେ ମୁକାବିଲା ଦେଖିବାକୁ ମିଳିବ ।
ସମ୍ଭାବିତ ଏକାଦଶ
ମୁମ୍ବାଇ ଇଣ୍ଡିଆନ୍ସ: ରୋହିତ ଶର୍ମା (ଅଧିନାୟକ), ଈଶାନ କିଶାନ, ସୂର୍ଯ୍ୟକୁମାର ଯାଦବ, ହାର୍ଦ୍ଦିକ ପାଣ୍ଡ୍ୟା, କିରନ ପୋଲାର୍ଡ, ଜେମ୍ସ ନୀଶମ, କୃଣାଳ ପାଣ୍ଡ୍ୟା, ନାଥାନ କୋଲ୍ଟର ନୀଲ/ଜୟନ୍ତ ଯାଦବ, ରାହୁଲ ଚାହର, ଟ୍ରେଂଟ ବୋଲ୍ଟ, ଯଶପ୍ରୀତ ବୁମରାହ ।
ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର: ବିରାଟ କୋହଲି (ଅଧିନାୟକ), ଦେବୀଦତ ପାଡିକଲ, ଏବି ଡି’ଭିଲର୍ସ, ଗ୍ଲେନ ମ୍ୟାକ୍ସୱେଲ, ମହମ୍ମଦ ଆଝାରୁଦ୍ଦିନ, ଡାନିଏଲ କ୍ରିଷ୍ଟିଆନ, ୱାଶିଂଟନ ସୁନ୍ଦର, କାୟଲ ଜେମିସନ, ନବଦୀପ ସାଇନି, ମହମ୍ମଦ ସିରାଜ, ୟୁଜଭେନ୍ଦ୍ର ଚାହଲ ।
BREAKING NEWS
- ନିର୍ବାଚନ ଆଚରଣ ବିଧି ଉଲଂଘନ ଅଭିଯୋଗରେ ଦୁଇ ଶିକ୍ଷକ ନିଲମ୍ବିତ
- ବାରିପଦା ବ୍ୟାଙ୍କ ଅଫ୍ ଇଣ୍ଡିଆର ଜୋନାଲ୍ ଅଫିସରେ ଅଗ୍ନିକାଣ୍ଡ
- କାରରୁ ଜବତ ହେଲା ୩୮୮ ଲିଟର ମଦ ସହ ୩୦ ହଜାର ନଗଦ ଟଙ୍କା, ୨ ଗିରଫ
- ପନ୍ତଙ୍କ ଜବରଦସ୍ତ ପ୍ରଦର୍ଶନ ସତ୍ୱେ ସଞ୍ଜୁଙ୍କ ସପକ୍ଷରେ ଚୟନ କମିଟି
- କଂଗ୍ରେସରୁ ଇସ୍ତଫା ଦେଲେ ଦୁଲାଲ ପ୍ରଧାନ
- ନିଆରା ଶୈଳୀରେ ନ୍ୟୁଜିଲାଣ୍ଡ ଟି୨୦ ବିଶ୍ୱକପ ପାଇଁ ଘୋଷଣା କଲା ଦଳ
- ନାମାଙ୍କନ ଦାଖଲ କଲେ କେନ୍ଦ୍ରମନ୍ତ୍ରୀ ରାଜନାଥ ସିଂ
- ଓଲଟିଲା ବରଯାତ୍ରୀ ବସ୍, ୪୦ରୁ ଉର୍ଦ୍ଧ୍ୱ ଯାତ୍ରୀ ଆହତ
- ମହୁମାଛି ଆକ୍ରମଣ ରେ ୧୨ ଛାତ୍ରଛାତ୍ରୀ ଆହତ
- ପୋଲିସର ଏନକାଉଣ୍ଟରରେ କୁଖ୍ୟାତ ଅପରାଧୀ ସୁବାସ ଖୁଣ୍ଟିଆ ଗୁରୁତର