ଭୁବନେଶ୍ୱର: ଓଡିଶାର ଅନନ୍ୟ ହାସ୍ୟ ଅଭିନେତା ପପୁ ପମ୍ପମ୍ । ପ୍ରକୃତ ନାଁ ତତ୍ତ୍ୱପ୍ରକାଶ ଶତପଥୀ । ଖାସ କରି ଇନଷ୍ଟାଣ୍ଟ କମେଡି ପାଇଁ ଏହି ଅଭିନେତା ଜଣକ ବେଶ ଜଣାଶୁଣା । ଓଡିଶାରେ ଆଜି ପର୍ଯ୍ୟନ୍ତ କମେଡି ମାମଲାରେ ପପୁଙ୍କୁ ଟକ୍କର ଦେବାକୁ ବୋଧ ହୁଏ କେହି ସମର୍ଥ ହୋଇଥିବେ । ନିଜ ସାମର୍ଥ୍ୟକୁ ବଜାୟ ରଖିବାକୁ ଯାଇ ନୂଆ ଅବତାରରେ ଆସିଛନ୍ତି ପପୁ ପମ୍ପମ୍ । ଆଜିକାଲି ସେ ବହୁ ସମୟ ଧରି ଅନଲାଇନ୍ ରହୁଛନ୍ତି । କାହିଁକି ନା ଆରମ୍ଭ ହୋଇଛି ତାଙ୍କ ନୂଆ କମେଡି ସୋ “ପପୁ ସାର୍ ଅନ୍ଲାଇନ୍” ।
ସୋସିଆଲ୍ ମିଡିଆ ପ୍ଲାଟଫର୍ମ ୟୁଟ୍ୟୁବରେ ଏହି ସୋ’ ଖୁବ ପପୁଲାର ହୋଇପାରିଛି । ନିଆରା ଅନ୍ଦାଜ, ଜଣାଅଜଣା କଥାବସ୍ତୁ ଓ ଅନନ୍ୟ ଉପସ୍ଥାପନା ଏହି ସୋ’କୁ ସମସ୍ତଙ୍କଠାରୁ ଭିନ୍ନ କରିଛି । ଖାସ କରୋନା ମହାମାରୀରେ ଲୋକଙ୍କ ମନରୁ ଦୁଃଖ ଅବସାଦ ଘଟାଇ ମୁହଁରେ ହସ ଫୁଟାଇବା ପାଇଁ ପପୁ କିଛି ଏପରି ପ୍ରୟାସ କରିଛନ୍ତି ।
ଏହି ସୋ’ ଜରିଆରେ ପପୁ ପାରମ୍ପରିକ କମେଡିକୁ ପଛରେ ପକାଇ କିଛି ହଟ୍କେ କରିବାକୁ ଚେଷ୍ଟା କରିଛନ୍ତି । ସମ୍ପୁର୍ନ ନୂଆ କନସେପ୍ଟ ଉପରେ ଆଧାରିତ ଏହି ସୋ’ରେ ବେଶ କିଛି ମଂଜ କଥା କହି ପପୁ ଲୋକଙ୍କ ଧ୍ୟାନ ଆକର୍ଷଣ କରିବାରେ ସଫଳ ହୋଇଛନ୍ତି । ପ୍ରତିଦିନ ସକାଳ ୮ଟାରୁ ୧୦ ମଧ୍ୟରେ ପପୁ ନିଜର ନୂଆ କମେଡି ଭିଡିଓ ୟୁଟ୍ୟୁବରେ ପ୍ରିମିଅର୍ କରିଥାନ୍ତି । ସୋ’ର ବିଷୟବସ୍ତୁ ଯାହା ବି ଥାଉନା କାହିଁକି, ଲୋକେ କିନ୍ତୁ ପପୁଙ୍କ ନୂଆ ଅବତାରକୁ ଖୁବ ପସନ୍ଦ କରିଛନ୍ତି ।
Comments are closed.