ଦିଲ୍ଲୀ : ଦିଲ୍ଲୀରେ ଭୟାବହ ଅଗ୍ନିକାଣ୍ଡ । ଘର ଭିତରେ ନିଆଁ ଲାଗିଯିବା ଫଳରେ ଗୋଟିଏ ପରିବାରର ୪ ଜଣ ସଦସ୍ୟଙ୍କ ମୃତ୍ୟୁ ହୋଇଯାଇଛି। ଅଗ୍ନିମସ ବାହିନୀ ଘଟଣା ସ୍ଥଳରେ ପହଁଚି ନିଆଁକୁ ଆୟତ୍ତ କରିଛି । ଦିଲ୍ଲୀର ପୁରୁଣା ସୀମାପୁରୀ ଅଞ୍ଚଳରେ ଏପରି ଅଗ୍ନିକାଣ୍ଡ ଘଟିଛି।
ଆଜି ସକାଳ ପ୍ରାୟ ୪ ଟା ପାଖାପାଖି ହେବ ଘରେ ନିଆଁ ଲାଗିଯିବା ନେଇ ଅଗ୍ନିସମ ବାହିନୀକୁ ଖବର ଦିଆଯାଇଥିଲା।ଅଗ୍ନିସମ ବାହୀନିର ୪ ଟି ଗାଡି ଯାଇ ନିଆଁକୁ ଆୟତ୍ତ କରିଥିଲେ। ଘରର ତୃତୀୟ ମହଲାରୁ ୪ ଜଣଙ୍କ ମୃତଦେହ ଅଗ୍ନିସମ ବାହିନୀ ଉଦ୍ଧାର କରିଛି ।
ପ୍ରବଳ ଧୂଆଁ ଯୋଗୁଁ ଅଣନିଶ୍ୱାସ ହୋଇ ପରିବାର ସଦସ୍ୟଙ୍କ ମୃତ୍ୟୁ ହୋଇଥାଇପାରେ ବୋଲି ଅନୁମାନ କରାଯାଉଛି।ହେଲେ ନିଆଁ ଲାଗିବାର ପ୍ରକୃତ କାରଣ ଏପର୍ଯ୍ୟନ୍ତ ଜଣାପଡ଼ିନାହିଁ । ସର୍ଟ ସର୍କିଟି କିମ୍ବା ଅନ୍ୟକୌଣସି କାରଣରୁ ନିଆଁ ଲାଗିଥିଲା ତାହା ତଦନ୍ତ ପରେ ହିଁ ଜଣାପଡ଼ିବ। ।
Comments are closed.