ମୁମ୍ବାଇ: ସୋମବାର ଦାଦା ସାହେବ ଫାଲକେ ପୁରସ୍କାରର ଘୋଷଣା କରାଯାଇଛି । ଏଥିରେ ବ୍ରହ୍ମାସ୍ତ୍ର ପାଇଁ ରଣବୀର କାପୁର ଓ ଗଙ୍ଗୁବାଇ କାଠିୱାଡି ନିମନ୍ତେ ଆଲିୟାଙ୍କୁ ଶ୍ରେଷ୍ଠ ଅଭିନେତା, ଅଭିନେତ୍ରୀ ପୁରସ୍କାର ପ୍ରଦାନ କରାଯାଇଛି । ଏହି ପୁରସ୍କାର ଘୋଷଣା ପରେ ବଲିଉଡର କୁଇନ ଭାବେ ପରିଚିତ କଙ୍ଗନା ମୁହଁ ଖୋଲିଛନ୍ତି । ସେ ପୁରସ୍କାର ଚୟନରେ ଅସନ୍ତୋଷ ବ୍ୟକ୍ତ କରିବା ସହ ନେପଟୋଜିମ ମାଫିଆ ପୁନର୍ବାର ଜିତିଗଲେ ବୋଲି କହିଛନ୍ତି । ପ୍ରତିଭାବାନ ଓ ଯୋଗ୍ୟ ଅଭିନେତାଙ୍କଠାରୁ ସେମାନେ ପୁରସ୍କାର ଛଡେଇ ନେଇଛନ୍ତି । କାନ୍ତାରାରେ ରିଷଭ ସେଟ୍ଟୀ ଏବଂ ସୀତାରାମମ ପାଇଁ ମୃଣାଳ ଠାକୁର ଏଥିପାଇଁ ହକଦାର ଥିଲେ ।
ସେହିପରି ଶ୍ରେଷ୍ଠ ଅଭିନେତା ଭାବେ ଏସଏସ ରାଜମୌଲୀ (ଆରଆରଆର), ସହ ଅଭିନେତା ପାଇଁ ଅନୁପମ ଖେର (ଦି କଶ୍ମୀର ଫାଇଲ୍ସ) ଓ ସହ ଅଭିନେତ୍ରୀ ନିମନ୍ତେ ତବୁ (ଦୃଶ୍ୟମ, ଭୁଲ ଭୁଲୈୟା) ନାମ ଲେଖିଛନ୍ତି । ଅବଶ୍ୟ କଙ୍ଗନାଙ୍କ ଏ ନେଇ କେତେକଜଣ ସମାଲୋଚନା ମଧ୍ୟ କରିଛନ୍ତି । ଧାକଡ ଫିଲ୍ମର ଅସଫଳତାକୁ ନେଇ ସେମାନେ କଙ୍ଗନାଙ୍କୁ ଟାର୍ଗେଟ କରିଛନ୍ତି ।
Comments are closed.