କେନ୍ଦ୍ରାପଡ଼ା: ଭିତରକନିକା ଜାତୀୟ ଉଦ୍ୟାନ ବନ୍ଦ ରହିବ । ମେ ୧ରୁ କେନ୍ଦ୍ରାପଡ଼ା ଜିଲ୍ଲାରେ ଥିବା ଭିତରକନିକା ଜାତୀୟ ଉଦ୍ୟାନ ଜୁଲାଇ ୩୧ ଯାଏ ୩ ମାସ ବନ୍ଦ ରହିବ । ଏହି ସମୟରେ କୁମ୍ଭୀରମାନ ପ୍ରଜନନ କରିଥାନ୍ତା । କୁମ୍ଭୀରମାନେ ଲୁଣିପାଣିରେ ଅଣ୍ଡା ଦେଇଥାନ୍ତି ।
କୁମ୍ଭୀରମାନଙ୍କୁ ପ୍ରଜନନ ସମୟରେ ପର୍ଯ୍ୟଟକମାନଙ୍କ ଲାଗି ଭିତରକନିକା ବନ୍ଦ ରହିବ । ପ୍ରତିବର୍ଷ ଏହି ସମୟରେ ଭିତରକନିକାରେ ପ୍ରତିବନ୍ଧକ ଲାଗିଥାଏ । ପର୍ଯ୍ୟଟକଙ୍କୁ ପରିବହନ କରୁଥିବା ବୋଟର ଶବ୍ଦ ଏହି ସମୟରେ କୁମ୍ଭୀରମାନଙ୍କୁ ବିଚଳିତ କରିବା ସହ ହିଂସ୍ର କରିଥାଏ ।
ଭିତରକନିକାର ଡାଙ୍ଗମାଳ ଓ ରଗଡ଼ପତି ବନାଞ୍ଚଳରେ ବି ପ୍ରତବନ୍ଧକ ଲାଗିଛି । ସ୍ଥାନୀୟ ଲୋକଙ୍କୁ ମଧ୍ୟ ଜଙ୍ଗଲୁ କାଠ ଓ ମହୁ ସଂଗ୍ରହ ଲାଗି ଯିବା ପାଇଁ ବାରଣ କରାଯାଇଛି ।
Comments are closed.