ମୁମ୍ବାଇ: ଆମେରିକାର ମାସିକ ଫ୍ୟାଶନ ଏବଂ ଜୀବନଶୈଳୀ ପତ୍ରିକା ଭୋଗ୍ରେ ପ୍ରଥମ ଥର ପାଇଁ ସ୍ଥାନ ପାଇଛନ୍ତି ଭେଟେରାନ ଅଭିନେତ୍ରୀ ରେଖା । ସେ ପତ୍ରିକାର କଭରପେଜରେ ନଜର ଆସିଛନ୍ତି । ତାହା ପୁଣି ରାଣୀ ବେଶରେ । ପୂର୍ବରୁ ବଲିଉଡ଼ର ଅନେକ ଅଭିନେତ୍ରୀ, ଅଭିନେତାଙ୍କୁ ଏହି ପତ୍ରିକାରେ ଦେଖିବାକୁ ମିଳିଛି ।
ରେଖା କହିଛନ୍ତି ଯେ, ୧୯୫୮ ମସିହାରେ ମୁଁ ଫିଲ୍ମ ଦୁନିଆରେ କ୍ୟାରିୟର ଆରମ୍ଭ କରିଥିଲି । ଏହାପରେ ସେ ଅନେକ ଫିଲ୍ମରେ ନିଜ ଅଭିନୟର ଯାଦୁ ଦେଖାଇ ପାରିଛି । ମୋ ଅଭିନୟକୁ ଲୋକେ ପସନ୍ଦ କରିବା ସହ ମୋତେ ଭଲ ପାଇବା ଦେଇଛନ୍ତି । ସେଥିଲାଗି ଅନେକ ଫିଲ୍ମରେ ଅଭିନୟ କରି ଲୋକଙ୍କ ହୃଦୟ ଜିତି ପାରିଛି । ୨୦୧୪ ମସିହା ପରଠାରୁ କୌଣସି ଫିଲ୍ମରେ କାମ କରିନାହିଁ । ନିଜ ପସନ୍ଦ ଅନୁଯାୟୀ ପ୍ରୋଜେକ୍ଟରେ କାମ କରିବାକୁ ମୁଁ ଭଲ ପାଏ । ୨୦୧୪ରେ ଶେଷ ଥର ପାଇଁ ସୁପର ନାନୀରେ ନଜର ଆସିଥିଲି । ସେବେଠାରୁ ସ୍ୱତନ୍ତ୍ର ଫିଲ୍ମ ଏବଂ ଟିଭି ଶୋ’ରେ ଅଭିନୟ କରିଆସୁଛି । ମୁଁ ଯାହା ଭଲପାଏ, ତାହା ଉପଭୋଗ କରିବାକୁ ଇଚ୍ଛା ରଖେ ବୋଲି କହିଛନ୍ତି ।
Comments are closed.