ଅଭୁଲା ୨୦୨୩: ଧର୍ମେନ୍ଦ୍ରଙ୍କ ପରିବାର ପାଇଁ ଲକି ଥିଲା ବର୍ଷ ୨୦୨୩, ଦୀର୍ଘ ବର୍ଷ ପରେ ସନ୍ନି-ବବିଙ୍କ ଜଲୱା ଦେଖିଲେ ଦର୍ଶକ

ମୁମ୍ବାଇ: ସର୍ବପ୍ରଥମେ ଦେଓଲ ପରିବାରର ମୁଖ୍ୟ ତଥା ଇଣ୍ଡଷ୍ଟ୍ରିର ଚିତ୍ତାକର୍ଷକ ତାରକା ତଥା ଭେଟେରିଆନ ଅଭିନେତା ଧର୍ମେନ୍ଦ୍ରଙ୍କ ବିଷୟରେ ଆଲୋଚନା କରିବା | ଯିଏକି ୨୦୨୩ ମସିହାରେ କରଣ ଜୋହରଙ୍କ ଚଳଚ୍ଚିତ୍ର ‘ରକି ଔର ରାନୀ କି ପ୍ରେମ କାହାନି’ରେ ନଜର ଆସିଥିଲେ । ଦୀର୍ଘ ସମୟ ପରେ ଏହି ଚଳଚ୍ଚିତ୍ର ମାଧ୍ୟରେ ଧର୍ମେନ୍ଦ୍ର ବଡ ପରଦାରେ ନଜର ଆସିଥିଲେ। ଏହି ଫିଲ୍ମରେ ଅଭିନେତ୍ରୀ ଶବାନା ଆଜମିଙ୍କ ସହ ଲିପଲକ୍ ରେ ମଧ୍ୟ ନଜର ଆସିଥିଲେ ଧର୍ମେନ୍ଦ୍ର । ଯାହା ଚର୍ଚ୍ଚାର କେନ୍ଦ୍ରବିନ୍ଦୁ ସାଜିଥିଲା । ଏହି ବୟସରେ ଧର୍ମେନ୍ଦ୍ରଙ୍କ ଏଭଳି ସିନ୍ କୁ ବେସ୍ ପସନ୍ଦ କରିଥିଲେ ଦର୍ଶକମାନେ ।

ଦ୍ଵିତୀୟରେ ଆଲୋଚନା କରିବା ପୁଅ ସନ୍ନି ଦେଓଲଙ୍କ ବିଷୟରେ । ଅଢେଇ କିଲୋ ହାତ ପାଇଁ ବଲିଉଡରେ ପ୍ରସିଦ୍ଧ ସନ୍ନି ଦେଓଲ ମଧ୍ୟ ଚଳିତ ବର୍ଷ ବେଶ୍ ଚର୍ଚ୍ଚାରେ ଥିଲେ । ଚଳିତ ବର୍ଷ ସନ୍ନି ଫିଲ୍ମ ‘ଗଦର ୨’ରେ ନଜର ଆସିଥିଲେ। ଯାହା ସଫଳତାର ଏକ ନୂତନ ଇତିହାସ ସୃଷ୍ଟି କରିଥିଲା ​​| ସନି ଦେଓଲଙ୍କ ଏହି ଚଳଚ୍ଚିତ୍ରଟି ଥିଲା ‘ଗଦର-ଏକ ପ୍ରେମ କଥା’ର ସିକ୍ୱେଲ | ଯାହାକି ୨୨ବର୍ଷ ପରେ ମୁକ୍ତିଲାଭ କରିଥିଲା ​​| ଏହି ଚଳଚ୍ଚିତ୍ରଟି ରିଲିଜ ହେବାର ପ୍ରଥମ ଦିନରେ ବକ୍ସ ଅଫିସ ଧମାଲ କରିଥିଲା । ତା ସହ ରୋଜଗାରରେ ମଧ୍ୟ ଅନେକ ଫିଲ୍ମର ରେକର୍ଡ ଭାଙ୍ଗିଥିଲା | ଏହି ଚଳଚ୍ଚିତ୍ର ଘରୋଇ ବକ୍ସ ଅଫିସରେ ୫୦୦କୋଟିରୁ ଅଧିକ ବ୍ୟବସାୟ କରିଥିଲା।

ଏହା ମଧ୍ୟ ପଢନ୍ତୁ

https://odishasambad.in/abhula-2023-historic-india-moon-mission-sends-new-photos-of-lunar-surface-1/

ତୃତୀୟରେ ଆଲୋଚନା କରିବା ନାତି କରଣ ଦେଓଲ ଏବଂ ରାଜଭୀରଙ୍କ ବିଷୟରେ । ଚଳିତ ବର୍ଷ ଧର୍ମେନ୍ଦ୍ରଙ୍କ ପରିବାର ତାଙ୍କ ବଡ ନାତି କରଣ ଦେଓଲଙ୍କ ବିବାହକୁ ନେଇ ଚର୍ଚ୍ଚାରେ ଥିଲେ । କରଣ ଦେଓଲ ଚଳିତ ବର୍ଷ ଜୁନରେ ଦିଶା ଆଚାର୍ଯ୍ୟଙ୍କୁ ବିବାହ କରିଥିଲେ । ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା ।  ସେହିପରି ଧର୍ମେନ୍ଦ୍ରଙ୍କ ଦ୍ୱିତୀୟ ନାତି ତଥା ସନ୍ନି ଦେଓଲଙ୍କ ସାନ ପୁଅ ରାଜଭୀର ଦେଓଲ ମଧ୍ୟ ଚଳିତ ବର୍ଷ ବଲିଉଡରେ ଡେବ୍ୟୁ କରିଛନ୍ତି। ଏହି ଅଭିନେତା ଫିଲ୍ମ ‘ଡୋନୋ’ରେ ନଜର ଆସିଥିଲେ। ଯେଉଁଥିରେ ପୁନମ୍ ଧିଲୋନଙ୍କ ଝିଅ ପଲୋମା ମୁଖ୍ୟ ଭୂମିକାରେ ଥିଲେ। ତେବେ ଏହି ଚଳଚ୍ଚିତ୍ରଟି ଦର୍ଶକଙ୍କୁ ଅଧିକ ପସନ୍ଦ ଆସିନଥିଲା ।

ଶେଷରେ ଆଲୋଚନା କରିବା ଧ୍ରମେନ୍ଦ୍ରଙ୍କ ସାନ ପୁଅ ବବି ଦେଓଲଙ୍କ ବିଷୟରେ । ଦୀର୍ଘ ବର୍ଷ ପରେ ପୁଣିଥରେ ବଡପରଦାରେ ଧମାଲ ମଚାଇଥିଲେ ବବି । ସଫଳ କ୍ୟାରିୟରରୁ ବର୍ବାଦ ଆଡକୁ ପଳାଇ ଯାଇଥିବା ବବି ଦେଓଲ ଚଳିତ ବର୍ଷ ପ୍ରଥମେ ୱେବ୍ ସିରିଜ୍ ‘ଆଶ୍ରମ’ରେ ଅଭିନୟ କରିଥିଲେ । ସେଥିରେ ତାଙ୍କର ଚମତ୍କାର ଅଭିନୟ ଦର୍ଶକଙ୍କୁ ବେଶ୍ ପସନ୍ଦ ଆସିଥିଲା । ପରେ ତାଙ୍କ ଅଭିନୀତ ‘ଆନିମଲ’ ଚଳଚ୍ଚିତ୍ରରେ ତାଙ୍କ ଅଭିନୟ ଦର୍ଶକଙ୍କୁ ପୁଣିଥରେ ମାୟା ଜାଲରେ ବାନ୍ଧିଦେଇଥିଲା । ଏହି ଚଳଚ୍ଚିତ୍ରରେ ସେ ଜଣେ ଖଳନାୟକ ଭୂମିକାରେ ନଜର ଆସିଥିଲେ । ଏହି ଚଳଚ୍ଚିତ୍ରରେ ବବିଙ୍କ ଦମଦାର ଅଭିନୟ ପ୍ରଶଂସକମାନଙ୍କୁ ମତୁଆଲା କରିଥିଲା ।