ଅଭିନୟ ବେଳେ ସତରେ ଦେଖିଦେଲେ କି ଭୂତ ? ଲୋମ ଟାଙ୍କୁରା କାହାଣୀ ସେୟାର କଲେ ‘ସ୍ତ୍ରୀ-୨’ର ଅଭିନେତା

ମୁମ୍ବାଇ: ଅଭିନେତା ଅଭିଷେକ ବାନାର୍ଜୀ କମେଡି ଫିଲ୍ମ ‘ସ୍ତ୍ରୀ-୨’ରେ ନଜର ଆସିଛନ୍ତି। ଯିଏ ଏହି ଚଳଚ୍ଚିତ୍ରରେ ଜନାର ଚରିତ୍ରରେ ଅଭିନୟ କରିଛନ୍ତି। ଏହି ଚରିତ୍ର ମାଧ୍ୟମରେ ଅଭିଷେକ ପ୍ରଶଂସକଙ୍କ ହୃଦୟ ଜିତିଛନ୍ତି। ଆଜି ଆମେ ଆପଣଙ୍କ ପାଇଁ ଅଭିଷେକଙ୍କ ଅଭିନୟ ନୁହେଁ ବରଂ ତାଙ୍କ ବାସ୍ତବ ଜୀବନର ଏକ ଘଟଣା କହିବୁ, ଯାହା ବହୁତ ଭୟାନକ ଅଟେ।

ନିକଟରେ ତାଙ୍କ ଏକ ସାକ୍ଷାତକାର ହୋଇଥିଲା। ଏଥିରେ ଅଭିଷେକ ବାନାର୍ଜୀ ତାଙ୍କ ସହ ଘଟିଥିବା ଏକ ହୃଦୟ ବିଦାରକ ଦୁର୍ଘଟଣା ବିଷୟରେ କହିଥିଲେ। ଅଭିନେତା କହିଥିଲେ ଯେ ଥରେ ସେ ସତରେ ଭୂତ ଦେଖିଥିଲେ। ଇନଷ୍ଟାଣ୍ଟ ବଲିଉଡ ସହ କଥାବାର୍ତ୍ତା ବେଳେ ଅଭିଷେକ ବାନାର୍ଜୀ କହିଥିଲେ ଯେ ଦିଲ୍ଲୀରେ ଏହି ଦୁର୍ଘଟଣା ତାଙ୍କ ସହ ଘଟିଛି। ଯାହାର ଭୟ ସେମାନଙ୍କ ଭିତରେ ଅଛି।

ଅଭିନେତା କହିଛନ୍ତି, ‘ଥରେ ସେ ଅଟୋ ଯୋଗେ ଦିଲ୍ଲୀର ଏକ ସ୍ଥାନକୁ ଯାଉଥିଲେ। ବାଟରେ ସେ ଧଳା ଶାଢୀ ପିନ୍ଧିଥିବା ଜଣେ ମହିଳାଙ୍କୁ ଦେଖିଲେ। ଏହା ପରେ ସେ ଅଟୋ ଡ୍ରାଇଭରକୁ ଧୀରେ ଧୀରେ ଗାଡି ଚଳାଇବାକୁ କହିଥିଲେ। କାରଣ ଆଗରେ ଜଣେ ମାଉସୀ ଠିଆ ହୋଇଥିବା ପରି ମନେ ହେଲା। ମୁଁ ଅଟୋ ଡ୍ରାଇଭରଙ୍କୁ କହିଲି ସାମ୍ନାରେ ଜଣେ ମାଉସୀ ଠିଆ ହୋଇଛନ୍ତି। ଅଟୋ ଡ୍ରାଇଭର କହିଲେ, ସାମ୍ନାରେ କେହି ନାହାଁନ୍ତି ସାର୍, ସେଠାକୁ ଆପଣ ଦେଖନ୍ତୁ ନାହିଁ। ଡ୍ରାଇଭର ଏହା କହିବା ମାତ୍ରେ ଅଟୋର ବେଗ ଦୃତ କରି ଆଗକୁ ବଢିବାରେ ଲାଗିଲା। ଏହା ପରେ ମହିଳା ହଠାତ୍ ଅଦୃଶ୍ୟ ହୋଇଗଲେ।” ଅଭିଷେକ ବାନାର୍ଜୀ ଆହୁରି ମଧ୍ୟ କହିଛନ୍ତି, ‘ଯେତେବେଳେ ମୁଁ ଅନେକ ଲୋକଙ୍କ ସହ ଏହି ଦୁର୍ଘଟଣା ବିଷୟରେ କହିଲି, ସେତେବେଳେ ମୁଁ ଜାଣିଲି ଯେ ସେମାନେ ମଧ୍ୟ ମହିଳାଙ୍କୁ ଦିଲ୍ଲୀରେ ଅନେକ ଥର ଧଳା ରଙ୍ଗର ଶାଢୀ ପିନ୍ଧିଥିବାର ଦେଖିଛନ୍ତି।’

ଶ୍ରଦ୍ଧା କପୁର ଏବଂ ରାଜକୁମାର ରାଓଙ୍କ ଭୟଙ୍କର କମେଡି ଫିଲ୍ମ ‘ସ୍ତ୍ରୀ-୨’କୁ ଅମର କୌଶିକ ନିର୍ଦ୍ଦେଶନା ଦେଇଛନ୍ତି। କିଛି ଦିନ ମଧ୍ୟରେ ଏହି ଚଳଚ୍ଚିତ୍ର ସାରା ବିଶ୍ୱରେ ୬୦୦ କୋଟି ଟଙ୍କା ସଂଗ୍ରହ କରିସାରିଛି। ଏହି ଚଳଚ୍ଚିତ୍ରରେ ଶ୍ରଦ୍ଧା ଏବଂ ରାଜକୁମାରଙ୍କ ବ୍ୟତୀତ ଅଭିଷେକ ବାନାର୍ଜୀ, ପଙ୍କଜ ତ୍ରିପାଠୀ ଏବଂ ଆପରଶକ୍ତି ଖୁରାନା ମଧ୍ୟ ଅଭିନୟ କରିଛନ୍ତି। ଏମାନଙ୍କ ବ୍ୟତୀତ ଅକ୍ଷୟ କୁମାର ଏବଂ ବରୁଣ ଧୱନ ମଧ୍ୟ ‘ସ୍ତ୍ରୀ ୨’ରେ ଅଭିନୟ କରିଛନ୍ତି।