ବୋକାରୋ: ଝାଡ଼ଖଣ୍ଡର ବୋକାରୋର ଲାଲପାନିଆ ଅଞ୍ଚଳର ଲୁଗୁ ପାହାଡରେ ଯବାନ ଓ ମାଓବାଦୀଙ୍କ ମଧ୍ୟରେ ଏନକାଉଣ୍ଟର ହୋଇଛି। ମାଓବାଦୀଙ୍କ ଉପରେ ହୋଇଛି ଆଉ ଏକ ପ୍ରହାର। ଛତିଶଗଡ଼ ପରେ ଝାଡଖଣ୍ଡରେ ମଧ୍ୟ ଜୋରଦାର ହୋଇଛି ମାଓ ଅପରେସନ। ଆଜିର ଏନକାଉଣ୍ଟରରେ ୮ ଜଣ ମାଓବାଦୀଙ୍କ ମୃତଦେହ ଉଦ୍ଧାର କରାଯାଇଛି ।
ସୋମବାର ସକାଳ ପ୍ରାୟ ୫ଟା ସମୟରେ ଆରମ୍ଭ ହୋଇଥିବା ଏହି ଏନକାଉଣ୍ଟରରେ ଆହୁରି ବଢିପାରେ ମାଓବାଦୀଙ୍କ ମୃତ୍ୟୁ ସଂଖ୍ୟା। ଏନକାଉଣ୍ଟରସ୍ଥଳରୁ ଏସଏଲଆର ଓ ଇନସାସ ବନ୍ଧୁକ ଜବତ ହୋଇଛି। ଗୁଇନ୍ଦା ସୂଚନା ମିଳିବା ପରେ ୨୦୯ କୋବ୍ରା ଯବାନ ଓ ଝାଡଖଣ୍ଡ ପୁଲିସ ପକ୍ଷରୁ ଏହି ଅପରେସନ କରାଯାଇଥିଲା ।
ଜଣେ ଅଧିକାରୀ କହିଛନ୍ତି ଯେ ୨୦୯ ବାଟାଲିୟନ ଏବଂ ସ୍ଥାନୀୟ ପୋଲିସର କୋବ୍ରା କମାଣ୍ଡୋଙ୍କ ଏକ ଦଳ ପାଟ୍ରୋଲିଂରେ ଥିବା ବେଳେ ନକ୍ସଲମାନଙ୍କ ଗୁଳିର ଶିକାର ହୋଇଥିଲେ। ସୁରକ୍ଷା ବାହିନୀ ପାଲଟା ଗୁଳି ଚଳାଇଥିଲା ଏବଂ କିଛି ସମୟ ପାଇଁ ଏନକାଉଣ୍ଟର ଜାରି ରହିଥିଲା। ମାଓବାଦୀଙ୍କ ପକ୍ଷରୁ ଗୁଳି ବିନିମୟ ବନ୍ଦ ହେବା ପରେ ଏକ ସର୍ଚ୍ଚ ଅପରେସନ ଆରମ୍ଭ ହୋଇଥିଲା।
ଏହି ଅପରେସନରେ ୮ଟି ମୃତଦେହ ବ୍ୟତୀତ, ଘଟଣାସ୍ଥଳରୁ ବହୁ ପରିମାଣର ଅସ୍ତ୍ରଶସ୍ତ୍ର ଏବଂ ଗୁଳିଗୋଳା ମିଳିଛି। ଏଥିରେ ଗୋଟିଏ AK-47 ଏବଂ ଅନେକ INSAS ରାଇଫଲ୍ ଅନ୍ତର୍ଭୁକ୍ତ। ଏହା ଏନକାଉଣ୍ଟର ଆରମ୍ଭ ହେବା ପୂର୍ବରୁ ଅଞ୍ଚଳରେ ଶୀର୍ଷ ନେତୃତ୍ୱଙ୍କ ଉପସ୍ଥିତିକୁ ସୂଚିତ କରୁଛି। ମୃତଦେହଗୁଡ଼ିକୁ ଏପର୍ଯ୍ୟନ୍ତ ଚିହ୍ନଟ କରାଯାଇ ନାହିଁ।
Comments are closed.