କିଏ ସେହି ବ୍ୟକ୍ତି ଯିଏ ୩୦ ମିନିଟରେ ତିଆରି କରିଥିଲେ ଅପରେସନ ସିନ୍ଦୂରର ଲୋଗୋ

ନୂଆଦିଲ୍ଲୀ: ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣର ଜବାବରେ ଆରମ୍ଭ ହୋଇଥିବା ଅପରେସନ୍ ସିନ୍ଦୂର ସମ୍ପର୍କରେ ଧୀରେ ଧୀରେ ସମସ୍ତ ଗୁମର ଫିଟୁଛି। ଯେପରିକି କିଏ ଏହି ନାମକରଣ କରିଥିଲେ, କିଏ ଏହି ଲୋକ ତିଆରି କରିଥିଲେ। ସଦ୍ୟତମ ଘଟଣାକ୍ରମରେ, ଅପରେସନ୍ ସିନ୍ଦୂରର ଲୋଗୋ ଡିଜାଇନ୍ କରିଥିବା ସୈନିକଙ୍କୁ ନେଇ ସୂଚନା ସାମ୍ନାକୁ ଆସିଛି। ଦେଶର ମାଆମାନଙ୍କ ସିନ୍ଦୁର ନଷ୍ଟ କରୁଥିବା ଲୋକଙ୍କ ବିରୁଦ୍ଧରେ ଭାରତୀୟ ସେନା ଯେଉଁ କାର୍ଯ୍ୟାନୁଷ୍ଠାନ ଗ୍ରହଣ କରିଛି ତାହା ସାରା ବିଶ୍ୱରେ ଆଲୋଚନା ହେଉଛି। ଏହି ଅପରେସନର ନାମ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରସ୍ତାବ ଦେଇଥିଲେ। ଏହାକୁ ନେଇ ଏମିତି ଏକ ଲୋଗୋ ତିଆରି କରାଯାଇଥିଲା ଯାହା ସମ୍ପୂର୍ଣ୍ଣ ଭାବରେ କାର୍ଯ୍ୟକୁ ବର୍ଣ୍ଣନା କରିଥିଲା । ଏହି ଲୋଗୋ ଅଧ ଘଣ୍ଟା ମଧ୍ୟରେ ପ୍ରସ୍ତୁତ ହୋଇଥିଲା।

ଏହି ଅପରେସନକୁ ସମ୍ପୂର୍ଣ୍ଣ ଗୁପ୍ତ ରଖାଯାଇଥିଲା । ଅପରେସନ ସିନ୍ଦୂରକୁ ନେଇ ଯେଉଁପରି ଯୋଜନା କରାଯାଇଥିଲା, ତାହା ଶହେ ପ୍ରତିଶତ କାର୍ଯ୍ୟକାରୀ ହୋଇଥିଲା । ଗୋଟିଏ ପଟେ ଅପରେସନ୍ କରାଯାଉଥିଲା, ଆଉ ଗୋଟିଏ ପଟେ ଅପରେସନ୍ ବିଷୟରେ ସୂଚନା କିପରି ଦିଆଯିବ ତାହା ମଧ୍ୟ ସ୍ଥିର କରାଯାଉଥିଲା । ଏହା ଉପରେ କାମ ଦ୍ରୁତ ଗତିରେ ଚାଲିଥିଲା। ଏହି ଲୋଗୋ ଡିଜାଇନ୍ କରିଥିବା ବ୍ୟକ୍ତିମାନେ ହେଉଛନ୍ତି ଭାରତୀୟ ସେନାର ଦୁଇ ଯବାନ। ଏହି ଲୋଗୋଟି ସେନା ମୁଖ୍ୟାଳୟରେ ନିଯୁକ୍ତ ସେନା ଅଧିକାରୀ ତିଆରି କରିଥିଲେ। କର୍ଣ୍ଣେଲ ହର୍ଷ ଗୁପ୍ତା ଏବଂ ହାବିଲଦାର ସୁରିନ୍ଦର ସିଂହ। ସେନା ପକ୍ଷରୁ ଉଭୟଙ୍କ ଫଟୋ ଜାରି କରାଯାଇଛି।

ସେମାନେ OPERATION SINDOOR କୁ ବୋଲ୍ଡ ଏବଂ କ୍ୟାପିଟାଲ୍ ଅକ୍ଷରରେ ଲେଖିଥିଲେ। ବିଶେଷ କଥା ହେଉଛି ଦୁଇଟି ଓ (O) ମଧ୍ୟରୁ ଗୋଟିଏ Oକୁ ଏକ ପାତ୍ରରେ ଭର୍ତ୍ତି ସିନ୍ଦୂର ଭାବରେ ଦର୍ଶାଯାଇଛି ଏବଂ ଅନ୍ୟ O ଉପରେ ସିନ୍ଦୁରର ଛିଟା ଦେଖାଯାଇଛି।

ଏହି ଲୋଗୋ ବିଷୟରେ କାହିଁକି ଆଲୋଚନା ହେଉଛି?

ହିନ୍ଦୁ ସଂସ୍କୃତିରେ ସିନ୍ଦୂର ବିବାହିତ ମହିଳାଙ୍କ ପ୍ରତୀକ ହୋଇଥିବାରୁ ଅପରେସନ ସିନ୍ଦୂରର ଲୋଗୋ କିପରି ଡିଜାଇନ୍ କରାଯାଇଥିଲା ତାହା ଜୋରଦାର ବିତର୍କର ବିଷୟ ପାଲଟିଛି। ଏହାକୁ କାଢ଼ିଦେବା ବିଧବାକୁ ଦର୍ଶାଏ। ଏହି ଲୋଗୋରେ ବିଛାଯାଇଥିବା ସିନ୍ଦୁର ପହଲଗାମ ଆତଙ୍କବାଦୀ ଆକ୍ରମଣରେ ସେମାନଙ୍କୁ ହରାଇଥିବା ମହିଳାମାନଙ୍କର ଦୁଃଖ ଏବଂ ସେମାନଙ୍କ ସ୍ୱାମୀମାନଙ୍କ ସହିଦର ପ୍ରତୀକ। ଏହି ଲୋଗୋ କେବଳ ଦୁଃଖକୁ ପ୍ରତିନିଧିତ୍ୱ କରେ ନାହିଁ ବରଂ ନ୍ୟାୟ ଏବଂ ପ୍ରତିଶୋଧର ଭାବନାକୁ ମଧ୍ୟ ଦର୍ଶାଏ।

ଅପରେସନ ସିନ୍ଦୂର କେବଳ ଏକ କୋଡ୍ ନାମ ନୁହେଁ

ପାକିସ୍ତାନ ବିରୁଦ୍ଧରେ ଭାରତର ପ୍ରାୟ ସମସ୍ତ ପୂର୍ବ ସାମରିକ କାର୍ଯ୍ୟାନୁଷ୍ଠାନ ଆଭ୍ୟନ୍ତରୀଣ ଆତ୍ମବିଶ୍ୱାସ ସୃଷ୍ଟି କରିବା ଏବଂ ବାହ୍ୟ ଭାବରେ ଶକ୍ତିର ବାର୍ତ୍ତା ଦେବା ପାଇଁ ପାରମ୍ପରିକ ସାମରିକ ନାମ ବ୍ୟବହାର କରିଛି। କେତେବେଳେ କାର୍ଯ୍ୟର ଗୁପ୍ତତା ବଜାୟ ରଖିବା ପାଇଁ ନାମଗୁଡ଼ିକ ବାଛାଯାଉଥିଲା ଏବଂ କେତେବେଳେ ଭାରତୀୟ ପୌରାଣିକ କଥାରୁ ନାମଗୁଡ଼ିକ ନିଆଯାଇଥିଲା। ଏଥର ଅପରେସନ ସିନ୍ଦୂର କେବଳ ଏକ କୋଡ୍ ନାମ ନଥିଲା ବରଂ ପହଲଗାମ ଆତଙ୍କବାଦୀ ଆକ୍ରମଣ ପରେ ଯେଉଁ ମହିଳାମାନଙ୍କ ସ୍ୱାମୀମାନେ ଆତଙ୍କବାଦୀଙ୍କ ଗୁଳିର ଶିକାର ହୋଇଥିଲେ, ସେମାନଙ୍କ ଯନ୍ତ୍ରଣାକୁ ସମ୍ମାନ ଜଣାଇବା ପାଇଁ ଏହି ନାମ ଦିଆଯାଇଥିଲା। ସୂଚନା ଥାଉକି, ପହଲଗାମ ଆକ୍ରମଣରେ ସ୍ୱାମୀଙ୍କୁ ହରାଇଥିବା ଅନେକ ମହିଳା ନୂତନ ବିବାହିତ ଥିଲେ।