ଭୁବନେଶ୍ଵର: କ୍ୟାପିଟାଲ୍ ଥାନା ଅଞ୍ଚଳରୁ ୧୬ ବର୍ଷର ନିଖୋଜ ବାଳକ ଉଦ୍ଧାର। ନିଖୋଜ ହେବାର ୪ ଦିନ ପରେ ୟୁନିଟ୍-୬ ଅଞ୍ଚଳ ହସ୍ପିଟାଲ୍ ପାଖ ଏକ ଆଶ୍ରୟସ୍ଥଳରୁ ଉଦ୍ଧାର କଲା ପୋଲିସ। କରାଟେ ସ୍କୁଲ୍କୁ ଆସି ୪ ଦିନ ହେଲା ନିଖୋଜ ହୋଇଥିଲେ ଏହି ବାଳକ। ପରିବାର ଓ ପୋଲିସ ବିଭିନ୍ନ ସ୍ଥାନରେ ଖୋଜାଖୋଜି କରୁଥିଲେ।
ସେପ୍ଟେମ୍ବର ୪ ତାରିଖରୁ ରାଜଧାନୀ ସହରର ଚନ୍ଦ୍ରଶେଖରପୁର ଅଞ୍ଚଳରୁ ପୁଅଟି କରାଟେ କ୍ଲାସରେ ଯୋଗଦେବା ପାଇଁ ଘରୁ ବାହାରିବା ପରେ ନିଖୋଜ ହୋଇଯାଇଥିଲା। ଯାହା ଫଳରେ ପରିବାର ସଦସ୍ୟମାନେ ପୋଲିସରେ ନିଖୋଜ ଅଭିଯୋଗ କରିଥିଲେ। ସୂତ୍ର ଅନୁଯାୟୀ ସେହି ଦିନ ପୁଅଟି କରାଟେ କ୍ଲାସରେ ଯୋଗଦେବା ପରେ ଘରକୁ ଫେରିନଥିଲା।
ସିସିଟିଭି ଫୁଟେଜରେ ସେ ଶେଷ ଥର ପାଇଁ ଏକା ଚାଲି ଚାଲି ଯାଉଥିବାର ଦେଖାଯାଇଥିଲା, ଯେଉଁଥିରେ ସେ ନୀଳ ରଙ୍ଗର ଜର୍ସିରେ “ଧୋନି ୭” ଲୋଗୋ ଏବଂ ଧଳା କରାଟେ ପ୍ୟାଣ୍ଟ ପିନ୍ଧିଥିଲା। ଫୁଟେଜ ଉପରେ କାର୍ଯ୍ୟ କରି ଚନ୍ଦ୍ରଶେଖରପୁର ପୋଲିସ ସର୍ଚ୍ଚ ଅପରେସନ୍ ଆରମ୍ଭ କରିଥିଲା। ଶେଷରେ ପୋଲିସକୁ ମିଳିଲା ବଡ଼ ସଫଳତା। ପୁଅଟିକୁ ସୁରକ୍ଷିତ ଉଦ୍ଧାର କରି ମାଆ କୋଳକୁ ଫେରାଇ ଥିଲା ପୋଲିସ। ପୋଲିସ ଅଧିକାରୀ କହିଛନ୍ତି ଯେ ନାବାଳକଙ୍କ ବୟାନ ରେକର୍ଡ କରିବା ପରେ ତାଙ୍କୁ ତାଙ୍କ ପରିବାରକୁ ହସ୍ତାନ୍ତର କରାଯିବ।
Comments are closed.