ନୂଆଦିଲ୍ଲୀ: ନେପାଳ ଭାରତରୁ ଆମ୍ବ ଆମଦାନୀକୁ ଅସ୍ଥାୟୀ ଭାବରେ ବ୍ୟାନ କରିଛି। ଏନେଇ ଅଧିକାରୀମାନେ ମଙ୍ଗଳବାର ଦିନ ସୂଚନା ଦେଇଛନ୍ତି। କ୍ୱାରେଣ୍ଟାଇନ୍ ପରୀକ୍ଷାରୁ ଅନେକ ଆମ୍ବ କନସାଇନମେଣ୍ଟରେ କୀଟନାଶକ ଅବଶିଷ୍ଟାଂଶ ସୁରକ୍ଷିତ ସୀମା ଅତିକ୍ରମ କରିଥିବା ଜଣାପଡ଼ିଛି।
ନିକଟରେ ଜାପାନ ମଧ୍ୟ ଏହି କାରଣରୁ ଭାରତୀୟ ଆମ୍ବ ଆମଦାନୀକୁ ବ୍ୟାନ କରିଥିଲା।
ନେପାଳୀ ଅଧିକାରୀଙ୍କ ଅନୁଯାୟୀ, ଆମଦାନୀ ଫଳର ତଦାରଖ ଏବଂ ଖାଦ୍ୟ ସୁରକ୍ଷା ମାନଦଣ୍ଡର କଡ଼ା କାର୍ଯ୍ୟକାରୀତା ପାଇଁ ଏହି ନିଷ୍ପତ୍ତି ନିଆଯାଇଛି। ଅଧିକାରୀମାନେ କହିଛନ୍ତି ଯେ ସର୍ବାଧିକ ଅବଶିଷ୍ଟାଂଶ ସୀମା (MRL) ନିୟମ ପାଳନ ଏବଂ ସମ୍ଭାବ୍ୟ ଅସୁରକ୍ଷିତ ଉତ୍ପାଦରୁ ଗ୍ରାହକମାନଙ୍କୁ ସୁରକ୍ଷା ଦେବା ପାଇଁ ଏହି ବ୍ୟାନ କରାଯାଇଥିଲା।ନିଷେଧ ପୂର୍ବରୁ ପ୍ରାୟ ୧୫.୮ ଟନ୍ ଆମ୍ବ (ପ୍ରାୟ ୧ ନିୟୁତ ମୂଲ୍ୟ) ସରକାରୀ ଚେକ୍ ପଏଣ୍ଟ ଦେଇ ନେପାଳରେ ପ୍ରବେଶ କରିଥିଲା। ତେବେ ଏହା ଦୁଇ ଦେଶ ମଧ୍ୟରେ ବାଣିଜ୍ୟ ସମ୍ପର୍କକୁ ପ୍ରଭାବିତ କରିବା ପାଇଁ ଉଦ୍ଦିଷ୍ଟ ନୁହେଁ। ଗତ ମାସରେ ଜାପାନ ଭାରତୀୟ ଆମ୍ବ ଆମଦାନୀକୁ ବ୍ୟାନ କରିଥିଲା।