ନୂଆଦିଲ୍ଲୀ: ଭାରତ ଏବଂ ଶ୍ରୀଲଙ୍କା ମଧ୍ୟରେ ୨ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଆସନ୍ତା ଅଗଷ୍ଟ ୧୫ରୁ ଆରମ୍ଭ ହେବାକୁ ଯାଉଛି । ଏହି ସିରିଜ୍ ବିଶ୍ୱ ଟେଷ୍ଟ ଚାମ୍ପିୟନସିପ ଫାଇନାଲ୍ ଦୌଡ଼ରେ ରହିବା ପାଇଁ ଭାରତୀୟ ଦଳ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ସାଇକେଲରେ ଭାରତୀୟ ଦଳ ଏପର୍ୟ୍ୟନ୍ତ ୯ଟି ଟେଷ୍ଟ ମ୍ୟାଚ୍ ଖେଳି ୪୮.୧୫ ପଏଣ୍ଟ ପ୍ରତିଶତ ସହ ପଏଣ୍ଟ ଟେବୁଲ୍ର ୫ମ ସ୍ଥାନରେ ରହିଛି । ଫାଇନାଲ୍ରେ ପହଞ୍ଚିବା ପାଇଁ ଭାରତକୁ ଏହି ସିରିଜ୍ରେ ଶ୍ରୀଲଙ୍କାକୁ ୨-୦ରେ ପରାସ୍ତ କରିବାକୁ ପଡ଼ିବ ।
ଭାରତ-ଶ୍ରୀଲଙ୍କା ଟେଷ୍ଟ ସିରିଜ୍ ପୂର୍ବରୁ ୨୦୧୭ ଦିଲ୍ଲୀ ଟେଷ୍ଟ ମ୍ୟାଚ୍ର ସ୍ମୃତି ପୁଣି ତାଜା ହୋଇଛି, ଯେଉଁଠାରେ ବାୟୁ ପ୍ରଦୂଷଣ ଯୋଗୁଁ ଶ୍ରୀଲଙ୍କା ଖେଳାଳିମାନେ ମାସ୍କ ପିନ୍ଧି ଖେଳିଥିଲେ । ସେହି ପ୍ରଦୂଷଣ ଭରା ପରିବେଶ ମଧ୍ୟରେ ବିରାଟ କୋହଲି ୨୪୩ ରନ୍ର ଦ୍ୱିଶତକୀୟ ପାରି ଖେଳିଥିଲେ । ପ୍ରଦୂଷଣ କାରଣରୁ ମ୍ୟାଚ ବାରମ୍ବାର ବାଧାପ୍ରାପ୍ତ ହୋଇଥିଲେ ସୁଦ୍ଧା ଶେଷରେ ମ୍ୟାଚ୍ଟି ଡ୍ର’ରେ ଶେଷ ହୋଇଥିଲା । ଗୌତମ ଗମ୍ଭୀରଙ୍କ ମାର୍ଗଦର୍ଶନରେ ଟିମ୍ ଇଣ୍ଡିଆ ଶ୍ରୀଲଙ୍କା ଗସ୍ତରେ ନିଜର ଦମଦାର ପ୍ରଦର୍ଶନ ଦେଖାଇ ରାଙ୍କିଂରେ ସୁଧାର ଆଣିବାକୁ ଲକ୍ଷ୍ୟ ରଖିଛି ।