ଓଜନ କମାଇବା ପାଇଁ କେଉଁଟି ଅଧିକ ଲାଭଦାୟକ: ଦୌଡ଼ିବା ନା ଚାଲିବା? ଜାଣନ୍ତୁ କ’ଣ କହୁଛନ୍ତି ଫିଟନେସ୍ ବିଶେଷଜ୍ଞ

ନୂଆଦିଲ୍ଲୀ: ଆଜିକାଲିର ବ୍ୟସ୍ତବହୁଳ ଜୀବନଶୈଳୀ ଏବଂ ଅନିୟମିତ ଖାଦ୍ୟପେୟ ଯୋଗୁଁ ଓଜନ ବୃଦ୍ଧି ଏବଂ ମେଦବହୁଳତା ଏକ ସାଧାରଣ ସମସ୍ୟାରେ ପରିଣତ ହୋଇଛି। ଓଜନ ନିୟନ୍ତ୍ରଣ କରିବା ଏବଂ ଶରୀରକୁ ଫିଟ୍ ରଖିବା ପାଇଁ ଅଧିକାଂଶ ଲୋକ ସକାଳ କିମ୍ବା ସନ୍ଧ୍ୟାରେ ଚାଲିବା କିମ୍ବା ଦୌଡ଼ିବାକୁ ପ୍ରାଥମିକତା ଦେଇଥାଆନ୍ତି । ତେବେ ଓଜନ ହ୍ରାସ ଏବଂ ଚର୍ବି କମାଇବା କ୍ଷେତ୍ରରେ ଏହି ଦୁଇଟି ବ୍ୟାୟାମ ଭିତରୁ କେଉଁଟି ଅଧିକ ଲାଭଦାୟକ, ସେନେଇ ପ୍ରାୟତଃ ଲୋକଙ୍କ ମନରେ ଦ୍ୱନ୍ଦ୍ୱ ରହିଥାଏ।

ଫିଟନେସ୍ ଏବଂ ସ୍ୱାସ୍ଥ୍ୟ ବିଶେଷଜ୍ଞଙ୍କ ମତରେ, ଚାଲିବା ଏବଂ ଦୌଡ଼ିବା ଉଭୟେ ଶରୀରର ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଉପକାରୀ, କିନ୍ତୁ ଉଭୟଙ୍କ କାର୍ଯ୍ୟକାରିତା ଏବଂ କ୍ୟାଲୋରୀ ବର୍ଣ୍ଣା କରିବାର କ୍ଷମତା ଭିନ୍ନ। ଦୌଡ଼ିବା ଏକ ତୀବ୍ର ଗତିର ବ୍ୟାୟାମ , ଯାହା ସ୍ୱଳ୍ପ ସମୟ ଭିତରେ ଶରୀରରୁ ପ୍ରଚୁର ପରିମାଣରେ କ୍ୟାଲୋରୀ ଏବଂ ଚର୍ବି ଜାଳିବାରେ ସାହାଯ୍ୟ କରିଥାଏ। ଯେଉଁମାନେ ଶୀଘ୍ର ଓଜନ କମାଇବାକୁ ଚାହାଁନ୍ତି ଏବଂ ଯାହାଙ୍କର ଗଣ୍ଠି କିମ୍ବା ଆଣ୍ଠୁରେ କୌଣସି ଗମ୍ଭୀର ସମସ୍ୟା ନାହିଁ, ସେମାନଙ୍କ ପାଇଁ ଦୌଡ଼ିବା ଏକ ଉତ୍କୃଷ୍ଟ ବିକଳ୍ପ।

ଅନ୍ୟପକ୍ଷରେ, ଚାଲିବା ଏକ ସରଳ ଏବଂ ନମନୀୟ ବ୍ୟାୟାମ, ଯାହାକୁ ସବୁ ବୟସର ବ୍ୟକ୍ତି ବିଶେଷ ବିନା କୌଣସି ପ୍ରତିବନ୍ଧକରେ କରିପାରିବେ। ନିୟମିତ ଭାବେ ଦ୍ରୁତ ଗତିରେ ଚାଲିବା ଦ୍ୱାରା ମଧ୍ୟ ଶରୀରର ମେଟାବୋଲିଜିମ୍ ସକ୍ରିୟ ରହିଥାଏ ଏବଂ କ୍ୟାଲୋରୀ ହ୍ରାସ ପାଇଥାଏ । ବିଶେଷ କରି ଯେଉଁମାନେ ବ୍ୟାୟାମ କରିବାକୁ ନୂତନ ଭାବେ ଆରମ୍ଭ କରିଛନ୍ତି କିମ୍ବା ଅଧିକ ଓଜନ ଯୋଗୁଁ ଦୌଡ଼ିବାକୁ ସକ୍ଷମ ନୁହଁନ୍ତି, ସେମାନଙ୍କ ପାଇଁ ଚାଲିବା ଅତ୍ୟନ୍ତ ସୁରକ୍ଷିତ ଏବଂ ପ୍ରଭାବଶାଳୀ ।

ବିଶେଷଜ୍ଞମାନେ ପରାମର୍ଶ ଦିଅନ୍ତି ଯେ କେବଳ ଓଜନ କମାଇବା ପାଇଁ କେଉଁଟି ଭଲ ତାହା ଦେଖିବା ବଦଳରେ, ବ୍ୟକ୍ତିଗତ ଶାରୀରିକକ୍ଷମତା ଏବଂ ସ୍ୱାସ୍ଥ୍ୟ ଅବସ୍ଥାକୁ ଦୃଷ୍ଟିରେ ରଖି ନିଷ୍ପତ୍ତି ନେବା ଉଚିତ୍ । ଯଦି ଆପଣ ଦୀର୍ଘସ୍ଥାୟୀ ଭାବେ ଫିଟ୍ ରହିବାକୁ ଚାହାଁନ୍ତି, ତେବେ ନିୟମିତ ଚାଲିବା ସହିତ ସନ୍ତୁଳିତ ଆହାର ଗ୍ରହଣ କରିବା ସବୁଠାରୁ ଅଧିକ ଫଳପ୍ରଦ ହୋଇଥାଏ ।