ଭୁବନେଶ୍ୱର-କଟକ ଟ୍ୱିନସିଟିରେ ସବୁ ଘରୋଇ ଗାଡି ପାଇଁ ଲକ୍ ଡାଉନ ପାସ୍ ଜରୁରୀ

ଭୁବନେଶ୍ୱର: କରୋନା ଭୂତାଣୁ ସଂକ୍ରମଣକୁ ଦୃଷ୍ଟିରେ ରଖି ଓଡିଶାର ୫ଟି ଜିଲ୍ଲା ସମେତ କେତେକ ସହରରେ ସରକାରଙ୍କ ପକ୍ଷରୁ ଲକ୍ ଡାଉନ ଘୋଷଣା ହୋଇଛି । କିନ୍ତୁ ଅଧିକାଂଶ ସ୍ଥାନରେ ଲୋକେ ଏହାକୁ ମାନୁ ନ ଥିବା ନଜରକୁ ଆସୁଥିବାରୁ କଟକ ଭୁବନେଶ୍ୱର କମିଶନରେଟ ପୋଲିସ ପକ୍ଷରୁ କେତେକ ନିୟମ କରାଯାଇଛି । ଯାହାର ଗାଡି ନେଇ ଘର ବାହାରକୁ ଯିବାର ଜରୁରୀ ଆବଶ୍ୟକତା ରହିଛି ସେ ପୋଲିସ ନିକଟରୁ ପାସ୍ ଆଣିବେ । ପୋଲିସ ନିକଟରେ ଏଣ୍ଟ୍ରି ପଏଣ୍ଟ ଓ ଏଣ୍ଡ ପଏଣ୍ଟ ନେଇ ସବିଶେଷ ସୂଚନା ଦେଇ ପାସ୍ ଆଣିପାରିବେ । ଜରୁରୀ କାଳିନ ପରିସ୍ଥିତିରେ ବାହାରକୁ ଯାଉଥିଲେ କର୍ଫ୍ୟୁ ପାସ୍ ମିଳିବ । ୧୦୦କୁ ଫୋନ କଲେ ମୋବାଇଲ ଦ୍ୱାରା ମଧ୍ୟ ପାସ୍ ମିଳିପାରିବ । ବସଷ୍ଟାଣ୍ଡ, ଷ୍ଟେସନ ଓ ଏୟାରପୋର୍ଟ ଯାଉଥିଲେ ଟିକେଟ ଦେଖାଇ ଯାଇପାରିବେ । ଯେଉଁମାନଙ୍କର ଅଫିସ ଖୋଲା ଅଛି ସେମାନେ ଅଫିସର ପରିଚୟପତ୍ର ଦେଖାଇଯାଇପାରିବେ ।