ନୂଆପଡ଼ା: ଜଣେ ମୋଷ୍ଟୱାଣ୍ଟେଡ୍ ମାଓବାଦୀ ପୋଲିସ ବଳୟ ଭିତରୁ ଖସିଯିବାକୁ ସକ୍ଷମ ହୋଇଛି । ଏହି ଘଟଣାଟି ସୋମବାର ଦିନ ନୂଆପଡ଼ା ଜିଲ୍ଲାରେ ଘଟିଥିବାର ସୂଚନା ମିଳିଛି ।
ଋିପୋର୍ଟ ଅନୁଯାୟୀ, ବରଗଡ଼-ବଲାଙ୍ଗୀର-ମହାସମୁନ୍ଦ ଡ଼ିଭିଜନର ମନୋଜ ମାଡ଼କାମି ନାମକ ଜଣେ କ୍ୟାଡ଼ରଭୁକ୍ତ ମାଓବାଦୀ ଏହି ବର୍ଷ ମେ ମାସରେ ପୋଲିସ ହାତରେ ଧରା ପଡ଼ିଥିଲା ।
ଅନେକ ହିଂସାତ୍ମକ କାର୍ଯ୍ୟକଳାପରେ ଜଡ଼ିତ ଥିବା ଏହି ମୋଷ୍ଟ ୱାଣ୍ଟେଡ୍ ମାଓବାଦୀ ର ମୁଣ୍ଡ ଲାଗି ୪ ଲକ୍ଷ ଟଙ୍କା ପୁରସ୍କାର ରାଶି ଘୋଷଣା କରାଯାଇଥିଲା ।
ତେବେ ସୋମବାର ଦିନ, ପୋଲିସ ଏସଡ଼ିଜିଏମ କୋର୍ଟରେ ତାକୁ ବିଚାର ଲାଗି ହାଜର କରିବାକୁ ଆଣିଥିଲେ ।
ତେବେ ମନୋଜକୁ କୋର୍ଟକୁ ଆଣିଲାବେଳେ କୌଣଳକ୍ରମେ ୨ ଜଣ ପୋଲିସ କର୍ମଚାରୀଙ୍କୁ ଶକ୍ତ ଗୋଇଠା ମାରି କୋର୍ଟ ପରିସରର ପାଚେରୀ ଡ଼େଇଁ ଚମ୍ପଟ ମାରିଥିଲା ।
ଏହି ଘଟଣା ସମ୍ପର୍କରେ ସୂଚନା ପାଇ ନୂଆପଡ଼ା ପୋଲିସ ତୁରନ୍ତ ଘଟଣାସ୍ଥଳକୁ ଆସି ଖସିଯାଇଥିବା ମାଓବାଦୀକୁ ଧରିବାକୁ ଛାନଭିନ୍ କରିଥିଲେ ।
ଋିପୋର୍ଟ ମିଳିବା ପର୍ଯ୍ୟନ୍ତ ଚମ୍ପଟ ମାରିଥିବା ମାଓବାଦୀର କୌଣସି ପତ୍ତା ମିଳିପାରିନାହିଁ ।
ମନୋଜ ନାମରେ ଉଭୟ ଓଡ଼ିଶା ଏବଂ ଛତିଶଗଡ଼ ରାଜ୍ୟର ବିଭିନ୍ନ ପୋଲିସ ଥାନାରେ ଏକାଧିକ ଅପରାଧିକ ମାମଲା ରହିଛି ।