କେନ୍ଦ୍ରାପଡା: ରାଜ୍ୟର ଆଉ ଜଣେ ପୂର୍ବତନ ବିଧାୟକ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।
ସମ୍ପୃକ୍ତ ବିଧାୟକ ଜଣକ ଆଳି ବିଧାନସଭା ନିର୍ବାଚନ ମଣ୍ଡଳୀର ପୂର୍ବତନ ବିଧାୟକ ଦେବେନ୍ଦ୍ର ଶର୍ମା।
ନିକଟରେ ସେ ଅସୁସ୍ଥତା କାରଣରୁ ଚିକିତ୍ସା ଲାଗି ଭୁବନେଶ୍ୱରର କେୟାର ହସ୍ପିଟାଲକୁ ଯାଇଥିବା ବେଳେ ତାଙ୍କର କରୋନା ପରୀକ୍ଷା କରାଯାଇଥିଲା । ଯାହା ପରେ ସେ କରୋନା ସଂକ୍ରମିତ ଥିବା ଜଣା ପଡିଥିଲା ।
ଏହା ପରେ ସେ ହସ୍ପିଟାଲରେ ଭର୍ତ୍ତି ହୋଇଥିବା ନେଇ ତାଙ୍କ ଝିଅ ଡ. ଦେବସ୍ମିତା ଶର୍ମା ପ୍ରକାଶ କରିଛନ୍ତି ।
ଶ୍ରୀ ଶର୍ମା କଂଗ୍ରେସ ଟିକେଟରେ ୨୦୧୪ ମସିହାରେ ବିଧାନସଭା ନିର୍ବାଚନ ଜିତିଥିଲେ ।
ଉଲ୍ଲେଖଯୋଗ୍ୟ, ନିକଟରେ ବ୍ରଜରାଜନଗରର ପୂର୍ବତନ ବିଧାୟକ ଅନୁପ ସାହୁ ମଧ୍ୟ କରୋନା ପଜିଟିଭ ଚିହ୍ନଟ ହୋଇଥିଲେ ।