ଭୁବନେଶ୍ୱର: ଓଲିଉଡର ସୁରପଷ୍ଟାର ତଥା ସାଂସଦ ଅନୁଭବ ମହାନ୍ତି ଏବଂ ପତ୍ନୀ ବର୍ଷା ପ୍ରିୟଦର୍ଶିନୀଙ୍କ ଘରୋଇ ବିବାଦ ଦିନକୁ ଦିନ ବଢ଼ିବାରେ ଲାଗିଛି । ଏବେ ଏହାକୁ ନେଇ ସମ୍ନକୁ ଆସିଛି ଏକ ନୂଆ ଭିଡିଓ । ଏହାକୁ ଅନୁଭବ ଜାରି କରିଛନ୍ତି । ଏହି ଭିଡିଓକୁ ନେଇ ଚର୍ଚ୍ଚା ଜୋର୍ ଧରିଛି । ଏହି ଭିଡିଓ ଜାରି କରି ସେ ପଚାରିଛନ୍ତି, ଏମିତି ହୁଏ କି ଘରୋଇ ହିଂସା । 
ଟୁଇଟରରେ ଗଣେଶ ପୂଜାର ଏକ ଭିଡିଓ ଛାଡିଛନ୍ତି ଅନୁଭବ ମହାନ୍ତି । ବର୍ଷାଙ୍କ ନାଁ ନନେଇ ଅନୁଭବ ଲେଖିଛନ୍ତି, ଭିଡିଓରେ କେହି ଘରୋଇ ହିଂସାର ଶିକାର ହେଲାପରି ମନେ ହେଉଛି କି । ଭିଡିଓରେ ଅନୁଭବଙ୍କ ଘରେ ଗଣେଶ ପୂଜାର ଦୃଶ୍ୟ ରହିଛି । ପୂଜାରେ ବର୍ଷା ପ୍ରିୟଦର୍ଶନୀ, ଅନୁଭବଙ୍କ ବାପା , ମା ସମସ୍ତେ ଅଛନ୍ତି । ,ଏହି ଭିଡିଓ ଜାରି କରି ଅନୁଭବ ବର୍ଷାଙ୍କ ନାଁ ନନେଇ ପ୍ରଶ୍ନ କରିଛନ୍ତି ଯେ, ଭିଡିଓରେ କେହି ଘରୋଇ ହିଂସାର ଶିକାର ହେଲା ପରି ଲାଗୁଛି କି । ଘରୋଇ ହିଂସା ଅଭିଯୋଗ ଆଣୁଥିବା ବର୍ଷା କେମିତି ଶାଶୁ ଘରେ ଅଛନ୍ତି ବୋଲି ଗତକାଲି ଅନୁଭବ ପ୍ରଶ୍ନ କରିଥିଲେ ।
Kindly have little patience and watch the shared video. Does this video in any way convey that Hon’ble SOMEONE is facing DOMESTIC VIOLENCE !?!?!?!?!?
Hon’ble SOMEONE celebrating SHREE GANESH CHATURTHI’2020 with my sweet family at my Parent’s house??@ashwani_dube @DeepikaBhardwaj pic.twitter.com/aXDhpo2MBM— Anubhav Mohanty (@AnubhavMohanty_) September 8, 2020
ସୂଚନାଯୋଗ୍ୟ ଯେ, ଅନୁଭବଙ୍କ ବିରୋଧରେ ବର୍ଷା ଘରୋଇ ହିଂସା ଅଭିଯୋଗ ଆଣିଛନ୍ତି । ସେ ତାଙ୍କୁ ନିର୍ଯ୍ୟାତନ ଦେଉଥିବା ମଧ୍ୟ ଅଭିଯୋଗ ହୋଇଛି । ଏନେଇ କଟକ ଏସ୍ଡିଜେଏମ୍ କୋର୍ଟରେ ପିଟିସନ ଦାଖଲ କରିଛନ୍ତି । ସେପଟେ ଅନୁଭବ ମଧ୍ୟ ବର୍ଷାଙ୍କଠାରୁ ଛାଡପତ୍ର ପାଇଁ ଦିଲ୍ଲୀ ପଟିଆଲ ହାଉସକୋର୍ଟରେ ଆବେଦନ କରିଛନ୍ତି ।