ଚାଷ ଓ ଚାଷୀଙ୍କ ପାଇଁ ଚିନ୍ତା ପ୍ରକାଶ କଲେ ଅରୁଣ, କହିଲେ; ପେଟକୁ ଭାତ ଓ ମୁଣ୍ଡକୁ ଛାତ ଦେବାରେ କେନ୍ଦ୍ର ବିଫଳ

ଭୁବନେଶ୍ୱର : ବିଧାନସଭା ପରିସରରେ ଆଜି (ବୁଧବାର) ଗଣମାଧ୍ୟମକୁ ପ୍ରତିକ୍ରିୟା ଦେବାବେଳେ ‘ଆଶୁ କବି’ ଅନ୍ଦାଜରେ ନଜର ଆସିଥିଲେ ବିଜେଡି ବିଧାୟକ ଅରୁଣ ସାହୁ l ଏକାଧିକ ବାର ପଦକୁ ପଦ ଛନ୍ଦି କହିଥିଲେ ” ଚାଷ, ବାସ, କେନ୍ଦ୍ର ସରକାର କଲା ସର୍ବନାଶ” l ଏଥିସହ କେନ୍ଦ୍ର ସରକାରଙ୍କୁ ଆକ୍ଷେପ କରି ଅରୁଣ କହିଛନ୍ତି; କେନ୍ଦ୍ର ସରକାର,‌ ନା ଆମ ପେଟକୁ ଭାତ ଦେଉଛନ୍ତି ନା ମୁଣ୍ଡକୁ ଛାତ ଖଣ୍ଡିଏ ଦେଉଛନ୍ତି l ଚାଷ ଓ ଚାଷୀଙ୍କ ପ୍ରତି ସେ କେତେ ଯେ ସଚେତନ ଓ ସମ୍ବେଦନଶୀଳ,‌ ତାହା ନିଜ ପ୍ରତିକ୍ରିୟାରେ ଜଣାଇବାକୁ ଚେଷ୍ଟା କରିଥିଲେ ପୂର୍ବତନ କୃଷି ମନ୍ତ୍ରୀ ଅରୁଣ ସାହୁ l