ନୂଆଦିଲ୍ଲୀ: ପୁଷ୍ଟିକର ଦ୍ରବ୍ୟ ସହିତ ଜଡିତ ଏକ ଷ୍ଟାର୍ଟଅପ୍ କମ୍ପାନି ‘ୱେଲଭର୍ସଡ୍’ରେ କ୍ରିକେଟର ଯୁବରାଜ ସିଂ ବିନିଯୋଗ କରିଛନ୍ତି। ଏହି ବିନିଯୋଗ ସହିତ ସେ କମ୍ପାନୀର ସବୁଠାରୁ ବଡ ନିବେଶକ ମଧ୍ୟ ହୋଇପାରିଛନ୍ତି। ତେବେ ସେ ବିନିଯୋଗ ରାଶି ବିଷୟରେ ପ୍ରକାଶ କରି ନଥିବା ଜଣାପଡ଼ିଛି।
ଯୁବରାଜ ସିଂ ୱେଲଭର୍ସର ବ୍ରାଣ୍ଡ ଆମ୍ବାସାଡର ମଧ୍ୟ ହେବେ। ଏହାପୂର୍ବରୁ ଯୁବରାଜ ସିଂ ହେଲ୍ଦିଆନ୍ସ, ହୋଲୋ ସୁଟ୍ସ, ଜେଟ ସେଟ୍ ଗୋ ଭଳି ଷ୍ଟାର୍ଟଅପରେ ବିନିଯୋଗ କରିଛନ୍ତି। ୱେଲଭର୍ସରେ ନିକଟରେ କେବଳ ଆଥଲେଟ୍ ପାଇଁ ପୁଷ୍ଟିକର ଦ୍ରବ୍ୟ ନାହିଁ, ଫିଟନେସ୍ ଚାହୁଁଥିବା ଲୋକଙ୍କ ଅନୁଯାୟୀ ଅନେକ ଉତ୍ପାଦ ମଧ୍ୟ ରହିଛି।
ରିପୋର୍ଟ ଅନୁଯାୟୀ, ଯୁବରାଜ ସିଂ କମ୍ପାନୀର ୧୦୦ କୋଟି ଟଙ୍କା ମୂଲ୍ୟରେ ଏହି ଅଂଶଧନ ହାସଲ କରିଛନ୍ତି। ୱେଲଭର୍ସର ସହ-ପ୍ରତିଷ୍ଠାତା ଅନାନ ଖୁରମା କହିଛନ୍ତି ଯେ ଯୁବରାଜ ୧୦୦ କୋଟି ଟଙ୍କା ମୂଲ୍ୟରେ ଏହି ଅଂଶଧନ ହାସଲ କରିଛନ୍ତି।
ଏ ନେଇ ଯୁବରାଜ ସିଂ କହିଛନ୍ତି, ‘ଆମ ଫାଉଣ୍ଡେସନ ଏବଂ ଆମର ବ୍ରାଣ୍ଡ YWC ମାଧ୍ୟମରେ ଆମେ ଲୋକଙ୍କ ଜୀବନରେ ଉନ୍ନତି ଆଣିବା ପାଇଁ ନିରନ୍ତର କାର୍ଯ୍ୟ କରୁଛୁ। ଏଥିରେ ସମସ୍ତ ପ୍ରକାରର ଖାଦ୍ୟ ପଦାର୍ଥ ସହ ଉନ୍ନତ ଚିକିତ୍ସା ବ୍ୟବସ୍ଥା ମଧ୍ୟ ଅନ୍ତର୍ଭୁକ୍ତ। ୱେଲୱାର୍ସେଡ୍ ଏକ ଆକର୍ଷଣୀୟ ନାମ। ସେମାନଙ୍କର ଉତ୍ପାଦ ସ୍ୱାସ୍ଥ୍ୟ ସହିତ ଜଡିତ। ଆମର ମଧ୍ୟରେ ଭଲ ତାଳମେଳ ଅଛି ଏବଂ ଆମେ ଏକତ୍ର ଉନ୍ନତ ଉତ୍ପାଦ ପ୍ରସ୍ତୁତ କରିପାରିବା।
ୱେଲଭର୍ସ ହେଉଛି ୨୦୧୮ରେ ପ୍ରତିଷ୍ଠିତ ଏକ ଷ୍ଟାର୍ଟଅପ। ସୂଚନା ଅନୁଯାୟୀ ଯୁବରାଜ ସିଂଙ୍କଠାରୁ ପ୍ରାପ୍ତ ଟଙ୍କାରେ କମ୍ପାନି ପୁଷ୍ଟିକର ଖାଦ୍ୟ ଏବଂ ଖାଦ୍ୟ ପଦାର୍ଥ ଯୋଗାଣ ଆଦି କାର୍ଯ୍ୟରେ ବ୍ୟବହାର କରିବ। ଏଥିରୁ ଉତ୍ପାଦିତ ପୁଞ୍ଜି କମ୍ପାନୀର ଯୋଗାଣ ଶୃଙ୍ଖଳାକୁ ମଜବୁତ କରିବା ପାଇଁ ମଧ୍ୟ ବ୍ୟବହୃତ ହେବ।