ମାଡ୍ରାସ: ବିକ୍ରମର ସଫଳତା ପରେ ତାମିଲ ସୁପରଷ୍ଟାର କମଳା ହାସନ ତାଙ୍କର ଆଗାମୀ ପ୍ରୋଜେକ୍ଟରେ କାମ ଆରମ୍ଭ କରିଛନ୍ତି । ଏସ.ଶଙ୍କରଙ୍କ ବ୍ଲକବଷ୍ଟର ଫିଲ୍ମ ଇଣ୍ଡିଆନର ସିକ୍ୱେଲ ଇଣ୍ଡିଆନ ୨ର ଶୁଟିଂ ଖୁବ ଶୀଘ୍ର ଆରମ୍ଭ ହେବ । ପୂର୍ବରୁ କାଜଲ ଅଗ୍ରୱାଲ ଏହି ଫିଲ୍ମ ମୂଖ୍ୟ ଅଭିନେତ୍ରୀ ଭାବେ ଅଭିନୟ କରିବେ ବୋଲି ଘୋଷଣା କରାଯାଇଥିଲା । ତେବେ କେତେକ ରିପୋର୍ଟ ଅନୁସାରେ କାଜଲଙ୍କ ବଦଳରେ ଦୀପିକା ପାଦୁକୋନଙ୍କୁ ଏହି ରୋଲ ଅଫର କରାଯାଇଛି । ଅବଶ୍ୟ ଏ ନେଇ ଦୀପିକା, କାଜଲ କିମ୍ବା ମେକର୍ସଙ୍କ ପକ୍ଷରୁ କୌଣସି ଘୋଷଣା କରାଯାଇ ନାହିଁ । ଏହି ଫିଲ୍ମରେ ସିଦ୍ଧାର୍ଥ, ରକୁଲ ପ୍ରୀତ ସିଂ ଓ ପ୍ରିୟା ଭବାନୀ ଗୁରୁତ୍ୱପୂର୍ଣ୍ଣ ଭୂମିକା କରୁଛନ୍ତି । ସୂଚନାଯୋଗ୍ୟ, ୧୯୯୬ରେ ଇଣ୍ଡିଆନ ଫିଲ୍ମ ରିଲିଜ ହୋଇଥିଲା । ଏଥିରେ କମଳା ହାସନଙ୍କ ସହ ଉର୍ମିଳା ମାତୋଣ୍ଡକର ଓ ମନୀଷ କୋଇରାଲା ଅଭିନୟ କରିଥିଲେ । ଫିଲ୍ମଟି ଅଦ୍ଭୁତପୂର୍ଣ୍ଣ ସଫଳତା ହାସଲ କରିଥିଲା ।
Comments are closed.