ନୂଆଦିଲ୍ଲୀ: ଗୁଗୁଲ୍ ନିଜର ଏଆଇ ଚାଟବୋଟ୍ ଜେମିନି ଏଆଇ ପାଇଁ ଏକ ବଡ଼ ନିଷ୍ପତ୍ତି ନେଇଛି। ଗୁଗୁଲର ଏଆଇ ଚାଟବୋଟ୍ ଜେମିନି ଚଳିତ ବର୍ଷ ହେବାକୁ ଥିବା ସାରା ବିଶ୍ୱରେ ଯେକୌଣସି ନିର୍ବାଚନ ସହ ଜଡିତ କୌଣସି ପ୍ରଶ୍ନର ଉତ୍ତର ଦେବ ନାହିଁ। ଚଳିତ ବର୍ଷ ହେବାକୁ ଥିବା ନିର୍ବାଚନ ସହ ଜଡିତ ଯେକୌଣସି ପ୍ରଶ୍ନର ଉତ୍ତର ଦେବାକୁ ଗୁଗୁଲ ଏହାର ଏଆଇ ଚାଟବୋଟକୁ ବାରଣ କରିଛି। ଏହାର ଅର୍ଥ ହେଉଛି ଜେମିନି ଭାରତରେ ଲୋକସଭା ନିର୍ବାଚନ ଏବଂ ବିଶ୍ୱର ଅନ୍ୟ ଦେଶରେ ହେବାକୁ ଥିବା ନିର୍ବାଚନ ବିଷୟରେ କୌଣସି ପ୍ରଶ୍ନର ଉତ୍ତର ଦେବେ ନାହିଁ।
ଏହା ଭାରତରେ ହେବାକୁ ଥିବା ସାଧାରଣ ନିର୍ବାଚନକୁ ପ୍ରଭାବିତ କରିବ। ଆସନ୍ତା କିଛି ମାସ ମଧ୍ୟରେ ଭାରତରେ ଲୋକସଭା ନିର୍ବାଚନ ହେବାକୁ ଯାଉଛି। ଏଭଳି ପରିସ୍ଥିତିରେ ଗୁଗୁଲର ଏଆଇ ଚାଟବୋଟ୍ ଜେମିନି ଏହି ନିର୍ବାଚନରେ ଏକ ପ୍ରମୁଖ ଭୂମିକା ଗ୍ରହଣ କରିପାରେ। ସାଧାରଣ ଲୋକେ ଚାଟବୋଟକୁ ନିର୍ବାଚନ ବିଷୟରେ କିଛି ବି ପ୍ରଶ୍ନ କରିପାରନ୍ତି। କିନ୍ତୁ ବର୍ତ୍ତମାନ ଏହା ସମ୍ଭବ ନୁହେଁ। କିଛି ଦିନ ପୂର୍ବରୁ ଜେମିନି ଭାରତୀୟ ନେତାଙ୍କ ବିଷୟରେ ସଠିକ୍ ଉତ୍ତର ନଦେବାରୁ ଭାରତର କେନ୍ଦ୍ରମନ୍ତ୍ରୀ ମଧ୍ୟ ଗୁଗୁଲକୁ ଚେତାବନୀ ଦେଇଥିଲେ। ଜେମିନିକୁ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ରାହୁଲ ଗାନ୍ଧୀ, ଅରବିନ୍ଦ କେଜ୍ରିୱାଲ ଆଦି ନେତାଙ୍କ ବିଷୟରେ କୌଣସି ପ୍ରଶ୍ନ ପଚରାଯାଇଥିଲା। କୌଣସି ଉତ୍ତର ନଆସିବାରୁ ଗୁଗୁଲ୍ ସର୍ଚ୍ଚ ବ୍ୟବହାର କରିବାକୁ ଉପଭୋକ୍ତାମାନଙ୍କୁ ପରାମର୍ଶ ଦିଆଯାଇଥିଲା।
ଏହି କାରଣରୁ ଗୁଗୁଲକୁ ଭାରତର କେନ୍ଦ୍ର ମନ୍ତ୍ରୀ ଚେତାବନୀ ଦେଇଥିଲେ ଏବଂ ଜେମିନି ସମ୍ପର୍କକୁ ନେଇ ଗୁଗୁଲ ଏକ ନୂଆ ବିବାଦରେ ପଡ଼ିଲା। ବର୍ତ୍ତମାନ ଗୁଗୁଲ ଜେମିନିକୁ ବିଶ୍ୱରର ଯେକୌଣସି ନିର୍ବାଚନ ସମ୍ବନ୍ଧୀୟ ଉତ୍ତର ଦେବା ବନ୍ଦ କରିଦେଇଛି। ଏହି ବିଷୟରେ ସୂଚନା ପ୍ରଦାନ କରି ଆଲଫାବେଟ୍ ମାଲିକାନା ସଂସ୍ଥା (GOOGL.O) ମଙ୍ଗଳବାର ଦିନ କହିଛି ଯେ ଗୁଗୁଲ ଏଇ ଚାଟବୋଟ୍ ଜେମିନିକୁ ଚଳିତ ବର୍ଷ ହେବାକୁ ଥିବା ବିଶ୍ୱ ନିର୍ବାଚନ ବିଷୟରେ ପ୍ରଶ୍ନର ଉତ୍ତର ଦେବାକୁ ବାରଣ କରୁଛି, କାରଣ ସମ୍ଭାବ୍ୟ ଭୁଲ୍ ଏଡାଇବାକୁ ନୂତନ ଟେକ୍ନୋଲୋଜି ନିୟୋଜିତ କରୁଛି। ଭାରତ ସରକାର ମଧ୍ୟ କିଛି ଦିନ ପୂର୍ବରୁ AI ସମ୍ବନ୍ଧରେ କିଛି ନୂତନ ନିୟମ ଜାରି କରିଛନ୍ତି। ସରକାର ସ୍ପଷ୍ଟ ଭାବେ କହିଛନ୍ତି ଯେ ଭାରତରେ ଏଆଇ ସହ ଜଡିତ କୌଣସି କାର୍ଯ୍ୟ ଆରମ୍ଭ କରିବା ପୂର୍ବରୁ ସରକାରଙ୍କଠାରୁ ଅନୁମତି ନେବା ବାଧ୍ୟତାମୂଳକ ହେବ।