ପେଟ କମେଇବାକୁ ଚାହୁଁଥିଲେ ଖାଦ୍ୟରେ ସାମିଲ କରନ୍ତୁ କାକୁଡି, ଜାଣନ୍ତୁ ଖାଇବାର ସଠିକ ପ୍ରଣାଳୀ

ଭୁବନେଶ୍ଵର: ଓଜନ କମାଇବା ଆଜିକାଲି ସମୟରେ ଏକ ମୁଣ୍ଡବିନ୍ଧାର କାରଣ ହୋଇଗଲାଣି । ଖରାପ ଜୀବନଶୈଳୀ ଏବଂ ଅସ୍ୱାସ୍ଥ୍ୟକର ଖାଦ୍ୟ ଅଭ୍ୟାସ ହେତୁ ମୋଟାପଣ ଏକ ସାଧାରଣ ସମସ୍ୟା ହୋଇଗଲାଣି | ଲୋକମାନେ ପ୍ରାୟତଃ ମେଦବହୁଳତା ହ୍ରାସ କରିବାର ଉପାୟ, ଓଜନ ହ୍ରାସ କରିବାର ଉପାୟ ଏବଂ ପେଟର ଚର୍ବି ହ୍ରାସ କରିବାର ଉପାୟ ଭଳି ପ୍ରଶ୍ନର ଉତ୍ତର ଖୋଜିଥାଆନ୍ତି | ଏହି ଚିନ୍ତାକୁ ଦୁର କରିବାରେ ସାହାର୍ଯ୍ୟ କରିବ ସୁପରଫୁଡ କାକୁଡି । ଏହା ଏପରି ଏକ ଖାଦ୍ୟ ଯାହା କେବଳ ଓଜନ ହ୍ରାସ କରିବାରେ ସହାୟକ ହୁଏ ନାହିଁ ବରଂ ଏହାକୁ ଅନେକ ଉପାୟରେ ଖାଦ୍ୟରେ ମଧ୍ୟ ସାମିଲ କରାଯାଇପାରେ | କାକୁଡି ଖାଇବା ଦ୍ୱାରା ଓଜନ ହ୍ରାସ କରିବାରେ ଏବଂ ବିଶେଷକରି ପେଟର ଚର୍ବି ହ୍ରାସ କରିବାରେ ସହାୟକ ହୋଇଥାଏ | କାକୁଡିରେ ପ୍ରଚୁର ପାଣି ରହିଥାଏ ଏବଂ ଏଥିରେ କମ୍ କ୍ୟାଲୋରୀ ଥାଏ, ଯାହା ଓଜନ ହ୍ରାସ ପାଇଁ ଅତ୍ୟନ୍ତ ଲାଭଦାୟକ ହୋଇଥାଏ । ଗ୍ରୀଷ୍ମଋତୁରେ ଓଜନ ହ୍ରାସ କରିବାର ସମସ୍ତ ପ୍ରକାର ଖାଦ୍ୟରୁ କାକୁଡି ଏକ ପ୍ରଭାବଶାଳୀ ଉପାୟ । ଏହାକୁ କେବଳ କିପରି ଖାଇବାକୁ ହେବ ତାହା ଜାଣିବା ଆବଶ୍ୟକ । ଆମେ ଆପଣଙ୍କୁ ଏପରି କିଛି ଉପାୟ ବିଷୟରେ କହିବୁ ଯାହାଦ୍ଵାରା ଆପଣ କାକୁଡି ଖାଇ ପେଟର ଚର୍ବିକୁ ହ୍ରାସ କରିପାରିବେ ।

କାକୁଡି ଡିଟାକ୍ସ

କାକୁଡି ଡିଟାକ୍ସ ତିଆରି କରିବା ପାଇଁ ପ୍ରଥମେ କାକୁଡିକୁ ପତଳା କରି କାଟି ପାଣିରେ ରଖନ୍ତୁ । ଏଥିରେ ପୋଦିନା, ଲେମ୍ବୁ ଏବଂ ଅଦା ଭଳି ଅନ୍ୟାନ୍ୟ ଉପାଦାନ ମିଶାନ୍ତୁ । ଏହାକୁ କିଛି ଘଣ୍ଟା ରେଫ୍ରିଜରେଟରରେ ରଖନ୍ତୁ ଯାହା ଦ୍ଵାରା ପାଣିରେ ସମସ୍ତ ମସଲା ଭଲ ଭାବରେ ମିଶିଯିବ । ଏହି ଡିଟାକ୍ସ ଜଳ କେବଳ ହାଇଡ୍ରେସନ୍ ବଢାଏନାହିଁ ବରଂ ମେଟାବୋଲିଜିମ୍ କୁ ମଧ୍ୟ ତ୍ୱରାନ୍ୱିତ କରିପାରେ ।

କାକୁଡି ସାଲାଡ

କାକୁଡିକୁ କାଟି ତାଜା ସବୁଜ ପତ୍ର, ଟମାଟୋ, ପିଆଜ ଏବଂ ଅଲିଭ୍ ଅଏଲ ସହିତ ମିଶାନ୍ତୁ । ଏଥିରେ ଲୁଣ, ହଳଦୀ ଏବଂ ଲେମ୍ବୁ ରସ ମିଶାନ୍ତୁ । ଏହି ସାଲାଡ୍ କେବଳ ସ୍ୱାଦିଷ୍ଟ ନୁହେଁ ବରଂ ଭୋକକୁ ନିୟନ୍ତ୍ରଣ କରେ । ଏଥିରେ କ୍ୟାଲୋରୀରେ ମଧ୍ୟ କମ୍ ଥାଏ ।

କାକୁଡି ସ୍ମୁଦୀ

କାକୁଡିକୁ ଅଧା କାଟି ସେଥିରେ ଏକ କଦଳୀ, ପାଲଙ୍ଗ ଏବଂ ଦହି ମିଶାଇ ଗ୍ରାଇଣ୍ଡିଙ୍ଗ କରିଦିଅନ୍ତୁ । ଏଥିରେ କିଛି ପାଣି କିମ୍ବା ନଡ଼ିଆ ପାଣି ମିଶାଇ ଏକ ସ୍ମୁଦୀ ପ୍ରସ୍ତୁତ କରନ୍ତୁ | ଏହା କେବଳ ପୋଷକ ତତ୍ତ୍ୱରେ ଭରପୂର ନୁହେଁ ବରଂ ଏହା ଆପଣଙ୍କ ଶରୀରକୁ ମଧ୍ୟ ହାଇଡ୍ରେଟ୍ କରିଥାଏ |

କାକୁଡି ସ୍ନାକ୍ସ

କାକୁଡିକୁ ଦହିରେ ମିଶାଇ ଏକ ସୁସ୍ଥ ସ୍ନାକ୍ସ ପ୍ରସ୍ତୁତ କରନ୍ତୁ । ଏହି ସ୍ନାକ୍ସରେ ଭରପୂର ମାତ୍ରାରେ ପ୍ରୋଟିନ୍ ରହିଥାଏ । ଏହାକୁ ଖାଇବା ଦ୍ଵାରା ଆପଣଙ୍କୁ ଦୀର୍ଘ ସମୟ ପର୍ଯ୍ୟନ୍ତ ଭୋକ ଲାଗିବ ନାହିଁ ।

କାକୁଡି ରାଇତା

ଦହିରେ କାକୁଡି କଟା, ଜିରା ପାଉଡର, କଳା ଲୁଣ ଏବଂ ଧନିଆ ପତ୍ର ମିଶାଇ କାକୁଡି ରାଇତା ପ୍ରସ୍ତୁତ କରନ୍ତୁ | ଏହା କେବଳ ଆପଣଙ୍କ ଖାଦ୍ୟର ସ୍ୱାଦକୁ ବଢାଇନଥାଏ ବରଂ ହଜମ କରିବାରେ ମଧ୍ୟ ସାହାଯ୍ୟ କରିଥାଏ |

ଏହି ପଦ୍ଧତିଗୁଡିକ ଗ୍ରହଣ କରିବା ସହିତ ନିୟମିତ ବ୍ୟାୟାମ ଏବଂ ସନ୍ତୁଳିତ ଖାଦ୍ୟ ଖାଆନ୍ତୁ । ଓଜନ ହ୍ରାସ ପାଇଁ କୌଣସି ଏକ ଖାଦ୍ୟ ଉପରେ ନିର୍ଭର କରିବା ପରିବର୍ତ୍ତେ ଏକ ସୁସ୍ଥ ଜୀବନଶୈଳୀ ଏବଂ ସନ୍ତୁଳିତ ଖାଦ୍ୟ ଗ୍ରହଣ କରାଯିବା ଉଚିତ୍ |