ନୂଆଦିଲ୍ଲୀ: ପ୍ରାୟ ଅଢ଼େଇ ମାସ ପରେ ପୁଣି ଉପର ମୁହାଁ ହେଉଛି କରୋନା ସଂକ୍ରମଣ । ଗତ ଡିସେମ୍ବର ଶେଷ ସପ୍ତାହରେ ଦେଶରେ କରୋନା ସଂକ୍ରମଣ ହ୍ରାସ୍ ପାଇଥିବା ବେଳେ ଏବେ ପୁଣି ବଢ଼ିବାରେ ଲାଗିଛି । ସ୍ୱାସ୍ଥ୍ୟ ମନ୍ତ୍ରଣାଳୟ ସୂଚନା ଅନୁସାରେ ଗତ ୨୪ ଘଣ୍ଟା ମଧ୍ୟରେ ଦେଶରେ ୨୫ ହଜାର ୩୨୦ ଜଣ ନୂଆ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ୧୬୧ ଜଣଙ୍କ ମୃତ୍ୟୁ ହୋଇଥିବା ବେଳେ ୧୬ ହଜାର ୬୩୭ ଜଣ ସୁସ୍ଥ ହୋଇଛନ୍ତି ।
India reports 25,320 new #COVID19 cases, 16,637 recoveries, and 161 deaths in the last 24 hours
Total cases: 1,13,59,048
Total recoveries: 1,09,89,897
Active cases: 2,10,544
Death toll: 1,58,607Total vaccination: 2,97,38,409 pic.twitter.com/CHtPlQaAXg
— ANI (@ANI) March 14, 2021
ଏଥିସହ ଦେଶରେ ମୋଟ ସଂକ୍ରମିତଙ୍କ ସଂଖ୍ୟା ୧ କୋଟି ୧୩ ଲକ୍ଷ ୫୯ ହଜାର ୪୮ ହଜାରକୁ ବୃଦ୍ଧି ପାଇଛି । ସେହିଭଳି ସୁସ୍ଥଙ୍କ ସଂଖ୍ୟା ୧ କୋଟି ୯ ଲକ୍ଷ ୮୯ ହଜାର ୮୯୭ ରହିଥିବା ବେଳେ ମୃତ୍ୟୁ ସଂଖ୍ୟା ୧ ଲକ୍ଷ ୫୮ ହଜାର ୬୦୭ରେ ପହଞ୍ଚିଛି । ଏବେ ଦେଶରେ ୨ ଲକ୍ଷ ୧୦ ହଜାର ୫୪୪ ଜଣ ସକ୍ରିୟ କରୋନା ସଂକ୍ରମିତ ଅଛନ୍ତି ।
ଚିନ୍ତା ବଢ଼ାଉଛି ମହାରାଷ୍ଟ୍ର, କେରଳ
ଦେଶର ସବୁ ରାଜ୍ୟଠୁ ଅଧିକ କରୋନା ସଂକ୍ରମିତ ମହାରାଷ୍ଟ୍ର ଓ କେରଳରେ ଚିହ୍ନଟ ହେଉଛନ୍ତି । ବିଗତ ୨୪ ଘଣ୍ଟା ମଧ୍ୟରେ ମହାରାଷ୍ଟ୍ରରେ ୧୫ ହଜାର ୬୦୨ଟି ସଂକ୍ରମଣ ମାମଲା ଆସିଛି । ଅନ୍ୟପଟେ କରୋନ ଟିକାକରଣ ଜାରି ରହିଛି । ଏବେ ଯାଏ ଦେଶବ୍ୟାପୀ ୨ କୋଟି ୯୭ ଲକ୍ଷ ୩୮ ହଜାର ୪୦୯ ଜଣଙ୍କୁ କରୋନା ଟିକା ଦିଆଯାଇଛି ।
ତେବେ, ସଂକ୍ରମଣ ମାମଲା ବଢ଼ୁଥିବା ବେଳେ କେତେକ ରାଜ୍ୟର କରୋନାରେ କାହାରି ବି ମୃତ୍ୟୁ ହୋଇନାହିଁ । ଯାହାକି ଆଶ୍ୱସ୍ତି ଆଣିଛି । ତେବେ, ସଂକ୍ରମଣ ଭଳି ମୃତ୍ୟୁ ମାମଲାରେ ସବୁଠୁ ଆଗରେ ମହାରାଷ୍ଟ୍ର ରହିଛି । କରୋନା ସଂକ୍ରମଣ ମାମଲାରେ ବିଶ୍ୱରେ ଭାରତ ତୃତୀୟ ସର୍ବାଧିକ ଦେଶ ଭାବେ ଉଭା ହୋଇଛି ।