ମୁମ୍ବାଇ: ଆରଆରଆର ଫିଲ୍ମ ଦେଶ ଓ ବିଦେଶରେ ବ୍ଲକବଷ୍ଟର ହୋଇପାରିଛି । ଏସ ରାଜମୌଲୀଙ୍କ ଏହି ଫିଲ୍ମରେ ଜୁନିୟର ଏନଟିଆର ଓ ରାମଚରଣଙ୍କ ପ୍ରଦର୍ଶନ ପ୍ରଶଂସନୀୟ ରହିଥିଲା । ଇତି ମଧ୍ୟରେ ଏକ ଖବର ହସ୍ତଗତ ହୋଇଛି ଯେ, ଜୁନିୟର ଏନଟିଆରଙ୍କ କୋମରାମ ଭୀମ ଅଭିନୟରେ ବିଭିନ୍ନ ବିଦେଶୀ ମିଡିଆ ପ୍ରଭାବିତ ହୋଇଛନ୍ତି । ଏପରିକି ସେମାନେ ଓସ୍କାର ଶ୍ରେଷ୍ଠ ଅଭିନେତା ପାଇବା ପାଇଁ ଏହି ଅଭିନେତା ହକଦାର ବୋଲି ଭବିଷ୍ୟବାଣୀ କରିଛନ୍ତି । ଲୋକପ୍ରିୟ ପତ୍ରିକା ଭ୍ୟାରେଟି ଟପ ଫିଲ୍ମ ତାଲିକାରେ ଆରଆରଆର ଓ ଅଭିନେତା ଶ୍ରେଣୀରେ ଜୁନିୟର ଏନଟିଆରଙ୍କୁ ସାମିଲ କରିଛି । ପତ୍ରିକାର ଏହି ଭବିଷ୍ୟବାଣୀ ଭାରତୀୟ ସିନେପ୍ରେମୀଙ୍କୁ ଉତ୍ସାହିତ କରିଛି । ପୂର୍ବରୁ ହଲିଉଡ ସମାଲୋଚକ ଟିମ ୨ଥର ଏହି ଫିଲ୍ମ ଏବଂ ଅଭିନୟକୁ ବେଶ ପ୍ରଶଂସା କରିଛନ୍ତି । ଜୁନିୟର ଏନଟିଆର ଓସ୍କାରର ଶ୍ରେଷ୍ଠ ଅଭିନେତା ପୁରସ୍କାର ହାତେଇବା ଏବେ ଅସମ୍ଭବ ଲାଗୁ ନାହିଁ ।
Comments are closed.