ଭୁବନେଶ୍ୱର: ବିଜେଡିର ୪ ରାଜ୍ୟସଭା ପ୍ରାର୍ଥୀଙ୍କ ସମ୍ପତ୍ତି ତାଲିକା ପ୍ରକାଶ ପାଇଛି । ସମ୍ପତ୍ତି ତାଲିକାରେ ସୁଜିତ କୁମାର ସବୁଠୁ ଧନୀ ଥିବା ଜଣାପଡିଛି । ସେ ବିଜେଡିର କୋଟିପତି ରାଜ୍ୟସଭା ପ୍ରାର୍ଥୀ ଅଟନ୍ତି । ତାଙ୍କ ସମ୍ପତ୍ତି ଏକ କୋଟି ୧୦ ଲକ୍ଷ ଟଙ୍କାରୁ ଅଧିକ ରହିଛି । ସେହିପରି ତାଙ୍କ ସ୍ତ୍ରୀଙ୍କ ସମ୍ପତ୍ତି ୨୬ ଲକ୍ଷ ୬୯ ହଜାର ୧୮୦ ରହିଛି । ଭୁବନେଶ୍ୱର ଧଉଳି ନଗରରେ ତାଙ୍କର ଏକ ଜାଗା ରହିଛି । ସୁଜିତଙ୍କ ମୋଟ ସ୍ଥାବର ସମ୍ପତ୍ତି ମୂଲ୍ୟ ୭୮ ଲକ୍ଷ ୩୦ ହଜାର ଥିବାବେଳେ ସ୍ତ୍ରୀଙ୍କ ସ୍ଥାବର ସମ୍ପତ୍ତି ମୂଲ୍ୟ ୭୪ ଲକ୍ଷ ୪୬ ହଜାର ରହିଛି । ସୁଜିତ ୭୪ ଲକ୍ଷ ୯୪ ହଜାର ୩୮୨ ଟଙ୍କାର ଋଣ କରିଛନ୍ତି । ଏଥିସହ ସେ ୭ଟି କମ୍ପାନୀରେ ୫୧ ଲକ୍ଷ ୫୩ ହଜାର ଟଙ୍କା ଇନ୍ଭେଷ୍ଟ କରିଛନ୍ତି ।
ଦ୍ୱିତୀୟ ସ୍ଥାନରେ ଅଛନ୍ତି ମୁନ୍ନା ଖାଁ । ତାଙ୍କର ମୋଟ ସମ୍ପତ୍ତି ୩୨ ଲକ୍ଷ ୯୫ ହଜାର ଟଙ୍କାରୁ ଅଧିକ ରହିଛି । ଡାକ ଘରେ ୨ ଲକ୍ଷ ୩୬ ହଜାର ୮୬୬ ଟଙ୍କା ଜମା ଅଛି । ସେ ୧୪ ଲକ୍ଷର ଲୋନ୍ କରିଛନ୍ତି । ୨୨ ଲକ୍ଷ ୫୦ ହଜାର ଏଲ୍ଆଇସି କରିଛନ୍ତି । ୨୪ ଲକ୍ଷର ସ୍ୱାସ୍ଥ୍ୟ ବୀମା ରହିଛି । ତାଙ୍କର ଗୋଟିଏ ହୋଣ୍ଡା ସିଟି ଗାଡି ଅଛି । ଆନ୍ଧ୍ର ବିଶ୍ୱବିଦ୍ୟାଳୟରେ ସେ ୧୯୮୩ରେ ମାଟ୍ରିକ ପାସ୍ କରିଛନ୍ତି ।
ସେହିପରି ତୃତୀୟ ସ୍ଥାନରେ ଅଛନ୍ତି ସୁବାସ ସିଂ । ତାଙ୍କର ୨୩ ଲକ୍ଷ ୩୭ ହଜାର ଟଙ୍କାରୁ ଅଧିକ ସମ୍ପତ୍ତି ରହିଛି । ତାଙ୍କର ୭ ଲକ୍ଷ ୨୫ ହଜାର ଟଙ୍କାର ଘର ରହିଛି । ଏଥିସହ ସୁବାସଙ୍କ ନାଁରେ ୧୧ଟି ଅପରାଧିକ ମାମଲା ଅଛି । ରାଜନୀତି ବିଜ୍ଞାନରୁ ସେ ଏମ୍ଏ ପାସ୍ କରିଛନ୍ତି । ୧୯୮୬ରେ ସେ ଓକିଲାତି ପାସ୍ କରିଛନ୍ତି ।
ଚତୁର୍ଥ ସ୍ଥାନରେ ଅଛନ୍ତି ବିଜେଡିର ରାଜ୍ୟସଭା ପ୍ରାର୍ଥୀ ମମତା ମହନ୍ତ । ତାଙ୍କର ମୋଟ ସମ୍ପତ୍ତି ୨୫ ଲକ୍ଷରୁ ଅଧିକ ରହିଛି । ନିଜର ୮ ଲକ୍ଷ ୨୨ ହଜାର ୭ଟଙ୍କାର ସମ୍ପତ୍ତି ରହିଥିବା ବେଳେ ତାଙ୍କ ସ୍ୱାମୀଙ୍କର ୧୬ ଲକ୍ଷ ୮୧ ହଜାର ୯୩୭ ଟଙ୍କାର ସମ୍ପତ୍ତି ରହିଛି । ତାଙ୍କର ୨୯ ଲକ୍ଷ ୪୫ ହଜାର ୮୪୦ ଟଙ୍କାର ଜମି ରହିଛି ।
BREAKING NEWS
- India made Chips Before: ୧୯୮୦ ଦଶକରେ ଚିପ୍ ତିଆରି କରୁଥିଲା ଭାରତ, ଗୋଟିଏ ଭୟଙ୍କର ନିଆଁ ଧ୍ୱଂସ କରିଦେଇଥିଲା ସ୍ୱପ୍ନ! ଜାଣନ୍ତୁ ୪୦ ବର୍ଷ ତଳର ସେହି କାହାଣୀ…
- Vijaya-Rashmika-Family-Time: ବିଜୟ ଦେବରକୋଣ୍ଡାଙ୍କ ଜାପାନ ହଲିଡେ ଡାଏରୀ
- ବିଧାନସଭା ଶୀତକାଳୀନ ଅଧିବେଶନ ପାଇଁ ଟ୍ରାଫିକ ଆଡଭାଇଜରି ଜାରି…
- ଉଦଘାଟିତ ହେଲା ୩ଟି ପର୍ଯ୍ୟଟନ ସ୍ଥଳୀରେ ‘ଇକୋ ରିଟ୍ରିଟ୍ ୨୦୨୬’
- ବ୍ୟବସାୟୀଙ୍କ ନିଖୋଜ ମାମଲାରେ ନୂଆ ଟ୍ୱିଷ୍ଟ: ମାମଲାରେ ସ୍କୁଲ ଶିକ୍ଷକଙ୍କ ସମ୍ପୃକ୍ତି ଥିବା ନେଇ ମିଳିଛି ସୁରାକ୍
- ଇରାନରେ ଇସ୍ରାଏଲ ପ୍ରଧାନମନ୍ତ୍ରୀ, ବିକୁଛନ୍ତି ମିଠା!
- ଆସୁଛି ବାତ୍ୟା; ୨୧ ଯାଏଁ ମତ୍ସ୍ୟଜୀବୀଙ୍କୁ ସମୁଦ୍ର ମନା…
- ସହିଦଙ୍କୁ ଅସମ୍ମାନ: ବିନା କଫିନ୍ରେ ଡମ୍ପରରେ ଅଣାଗଲା ଦୁଇ SPOଙ୍କ ମୃତଦେହ, ସ୍ଥାନୀୟ ଅଞ୍ଚଳରେ ତୀବ୍ର ଉତ୍ତେଜନା
- ‘୨୪ ବର୍ଷ ଓଡିଶାର ସୁରକ୍ଷା କବଚ ସାଜିଥିଲେ ନବୀନ’, ଭୋଗରାଇରେ ବିଜେଡିର ପଦଯାତ୍ରା, ସୁଜାତା ରାଉତଙ୍କ ଶକ୍ତି ପ୍ରଦର୍ଶନ…
- Ganga Loses its Clean: ଏତେ ବର୍ଷ ପରେ ଚମକି ଉଠିଥିଲା ମା’ ଗଙ୍ଗା, ମାତ୍ର ଦିନ କେଇଟାରେ ଯୋଉ ଅବସ୍ଥାକୁ ସେଇ ଅବସ୍ଥା…କେବେ ସୁଧୁରିବ ମଣିଷ?
Comments are closed.