ଭୁବନେଶ୍ଵର: ଖରାଦିନ ହେଉଁ କିମ୍ବା ଶୀତଦିନ ସବୁ ଋତୁରେ ତ୍ଵଚାକୁ ଗ୍ଲୋଇଙ୍ଗ ରଖିବାକୁ କିଏ ବା ନଚାହେଁ । କିଏ ବା ନ ଚାହିଁବ ଯେ ସେମାନଙ୍କର ତ୍ଵଚା ଦାଗହୀନ, ଉଜ୍ଜ୍ୱଳ ଏବଂ ଚକଚକିଆ ଦେଖାଯାଉ? ବିଶେଷକରି ଝିଅମାନେ ସେମାନଙ୍କର ତ୍ଵଚାକୁ ନେଇ ବହୁତ ସଚେତନ ଥାଆନ୍ତି ଏବଂ ଏଥିପାଇଁ ସେମାନେ ପ୍ରାୟତଃ ସମୟ ପାର୍ଲର ସେଠାରେ ମହଙ୍ଗା ଫେସିଆଲ ଏବଂ ସ୍କ୍ରବ୍ ମଧ୍ୟ କରନ୍ତି । ତେବେ ବର୍ତ୍ତମାନ ଆପଣଙ୍କୁ ଆଉ ପାର୍ଲରକୁ ଯାଇ ଅଯଥା ଟଙ୍କା ଖର୍ଚ୍ଚ କରିବାକୁ ପଡିବ ନାହିଁ କାରଣ ଆମେ ଆପଣଙ୍କୁ ଏକ ଏପରି ଫେସପ୍ୟାକ ବିଷୟରେ କହିବୁ ଯାହାକୁ ଆପଣ ସହଜରେ ଘରେ ପ୍ରସ୍ତୁତ କରି ବ୍ୟବହାର କରିପାରିବେ । ଯାହାପରେ ଆପଣଙ୍କ ଚେହେରା ପୁରା ଗ୍ଲୋ କରିବ । ଆପଣ ସମସ୍ତେ ମୁଲତାନି ମାଟି ବିଷୟରେ ତ ନିଶ୍ଚୟ ଶୁଣିଥିବେ । ଆଜ୍ଞା ହଁ ତ୍ଵଚାକୁ ସୁନ୍ଦର ରଖିବାରେ ମୁଲତାନି ମାଟିର ଭୁମିକା ଗୁରୁତ୍ଵପୂର୍ଣ୍ଣ । ତେବେ ଆସନ୍ତୁ ଜାଣିବା ମୁଲତାନି ମାଟିକୁ କିପରି ଆପଣ ସହଜରେ ଘରୋଇ ଉପାୟରେ ବ୍ୟବହାର କରିପାରିବେ ।
ମୁଲତାନି ମାଟି ତ୍ଵଚାରୁ ତେଲିଆ ଅଂଶ ଦୂର କରିଥାଏ । କେବଳ ଏତିକି ନୁହେଁ, ଏହା ଚେହେରାରେ ଥିବା ବିଭିନ୍ନ ଦାଗ କମେଇବାରେ ମଧ୍ୟ ସାହାଯ୍ୟ କରିଥାଏ ଏବଂ ପ୍ରଦୂଷଣ, ଧୂଳି ଏବଂ ଡେଡ୍ ସ୍କିନ ସେଲଗୁଡ଼ିକୁ ବାହାର କରିବାରେ କାର୍ଯ୍ୟ କରିଥାଏ | ଯଦି ଆପଣ ନିୟମିତ ଭାବରେ ମୁଲତାନି ମାଟି ବ୍ୟବହାର କରୁଛନ୍ତି ତେବେ ଏହା ଆପଣଙ୍କ ତ୍ଵଚାରେ ଥିବା ସନ ଟ୍ୟାନକୁ ମଧ୍ୟ ଦୁର କରିଥାଏ । ଏଥିପାଇଁ ଆପଣଙ୍କୁ ମୁଲତାନି ମାଟିରେ ଏହି ପ୍ୟାକ ପ୍ରସ୍ତୁତ କରିବାକୁ ପଡିବ । ଏଥିପାଇଁ ଆପଣଙ୍କୁ କେବଳ ୫ଟି ଜିନିଷ ଆବଶ୍ୟକ ପଡିବ ।
ଆବଶ୍ୟକୀୟ ଉପକରଣ
- ଦୁଇ ଟେବୁଲ୍ ଚାମଚ ମୁଲତାନି ମାଟି
- ଗୋଟେ କର୍ପୁର
- ଗୋଟିଏ ଚାମଚ ଗୋଲାପ ଜଳ
- ଗୋଟେ ଚାମଚ୍ ମହୁ(ମହୁ ସ୍ଥାନରେ ଆପଣ ଦହି ମଧ୍ୟ ନେଇପାରିବେ)
- ସାମାନ୍ୟ ହଳଦୀ
କିପରି ପ୍ରସ୍ତୁତ କରିବେ ପ୍ୟାକ
ମୁଲତାନି ମାଟି ଫେସ୍ ପ୍ୟାକ୍ ତିଆରି କରିବାକୁ ପ୍ରଥମେ ମୁଲତାନି ମାଟିକୁ ଭଲଭାବରେ ଚୁନା କରି କର୍ପୁର ସହ ଭଲଭାବରେ ମିଶାନ୍ତୁ । ବର୍ତ୍ତମାନ ଏଥିରେ ଏକ ଚାମଚ ଗୋଲାପ ଜଳ, ୨ ଚୁଟକି ହଳଦୀ, ଏକ ଚାମଚ ମହୁ/ଦହି ମିଶାଇ ଏକ ସୁନ୍ଦର ପେଷ୍ଟ ପ୍ରସ୍ତୁତ କରନ୍ତୁ । ଏହି ପେଷ୍ଟକୁ ପୁରା ମୁହଁ ଏବଂ ବେକରେ ଭଲଭାବରେ ଲଗାଇ ୧୫ ମିନିଟ୍ ପର୍ଯ୍ୟନ୍ତ ଛାଡିଦିଅନ୍ତୁ | ଏହା ଶୁଖିଗଲା ପରେ ଭଲଭାବରେ ମୁହଁକୁ ଥଣ୍ଡାପାଣିରେ ଧୋଇ ଦିଅନ୍ତୁ । ତେବେ ଯଦି ଆପଣଙ୍କର ତେଲିଆ ତ୍ଵଚା ହୋଇଥିବ ତେବେ ଏହି ପ୍ୟାକରେ ଆପଣ ମହୁ କିମ୍ବା ଦହି ନମିଶାଇଲେ ମଧ୍ୟ ଚଳିବ । କିନ୍ତୁ ଯଦି ଆପଣଙ୍କର ଡ୍ରାଏ ସ୍କିନ୍ ତେବେ ଏହି ଫେସପ୍ୟାକରେ ଆପଣ ସାମାନ୍ୟ ମହୁ କିମ୍ବା ଦହି କିମ୍ବା ନଡିଆ ତେଲ ମିଶାଇପାରିବେ ।