ମୁମ୍ବାଇ: ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାରେ ସାମନାକୁ ଆସିଥିବା ଡ୍ରଗ୍ସ ଲିଙ୍କରେ ନାରକୋଟିକ୍ସ କଣ୍ଟ୍ରୋଲ ବ୍ୟୁରୋ ସ୍କାନରରେ ବଲିଉଡ୍ । ଆଜି ଏହି ମାମଲାରେ ଏନସିବି ଦୁଆରେ ହାଜର ହେବେ ବଲିଉଡର ମସ୍ତାନୀ ଦୀପିକା ପାଦୁକୋନ । ତାଙ୍କ ସହ ଆଜି ସାରା ଅଲ୍ଲୀ ଖାନ୍ ଓ ଶ୍ରଦ୍ଧା କପୁର ବି ଏନସିବିରେ ହାଜର ହେବେ ।
ଏନସିବି ଗେଷ୍ଟ ହାଉସରେ ଦୀପିକା ପାଦୁକୋନଙ୍କୁ ପଚରାଉଚରା କରିବି ଏନସିବି । ତାଙ୍କ ମ୍ୟାନେଜର କରିସ୍ମା ପ୍ରକାଶଙ୍କୁ ବି ଆଜି ପୁଣି ଥରେ ଡକରା ହୋଇଛି । ପ୍ରଥମେ ଦୀପିକାଙ୍କୁ ଏକାକୀ ପଚରାଉଚରା କରିବା ନେଇ ସୂଚନା ମିଳିଛି । କଥାରେ ତାଳମେଳ ନରହିଲେ ଦୀପିକା ଓ କରିସ୍ମାଙ୍କୁ ମୁହାଁମୁହିଁ ଜେରା କରିପାରେ ଏନସିବି ।
ଏଥିସହ ପଢ଼ନ୍ତୁ: ଆଜିଠୁ ବିଧାନସଭା ପରିସରରେ ହେବ କୋଭିଡ ଟେଷ୍ଟ
ଶ୍ରଦ୍ଧା କପୁର ଓ ସାରା ଅଲ୍ଲୀ ଖାନ ମୁମ୍ବାଇ ସ୍ଥିତ ଏନସିବି ଅଫିସରେ ହାଜର ହେବା ନେଇ ସୂଚନା ମିଳିଛି । ଏମାନଙ୍କୁ ପ୍ରଥମେ ସୁଶାନ୍ତ ସିଂହ ରାଜପୁତ ମାମଲାରେ ପଚରାଉଚରା କରିପାରନ୍ତି ଏନସିବି ଟିମ୍ । କାରଣ ଏହି ଦୁହିଁଙ୍କ ନାଁ ଜେରା ବେଳେ ନେଇଥିଲେ ରିୟା ଚକ୍ରବର୍ତ୍ତୀ ।
ସୁଶାନ୍ତଙ୍କ ଫାର୍ମ ହାଉସର ପୂର୍ବତନ ମ୍ୟାନେଜର, ବୋଟମ୍ୟାନ୍ ଓ ଡ୍ରାଇଭର ସାରା ଓ ଶ୍ରଦ୍ଧାଙ୍କ ନାଁ ନେଇଥିଲେ । ସାରା ଓ ଶ୍ରଦ୍ଧାଙ୍କ ନାଁରେ ଡ୍ରଗ୍ସ ନେଉଥିବା ନେଇ ଅଭିଯୋଗ ହୋଇଛି । ପ୍ରଥମେ ମୁମ୍ବାଇ ଏନସିବି ଟିମ୍ ଓ ପରେ ଦିଲ୍ଲୀ ଏସଆଇଟି ଏମାନଙ୍କୁ ପଚରାଉଚରା କରିବ । ଏବେ ଦେଖିବାର କଥା ବଲିଉଡ ବିୟୁଟିଙ୍କୁ ଜେରା ପରେ ଆଉ କେଉଁ ସବୁ ବଡ଼ ବଡ଼ ହସ୍ତୀଙ୍କ ନାଁ ସାମନାକୁ ଆସୁଛି ।
Comments are closed.