ମୁମ୍ବାଇ: ଅଭିନେତା ସଲମାନ ଖାନଙ୍କ ବହୁ ପ୍ରତୀକ୍ଷିତ ଫିଲ୍ମ ‘କିସି କା ଭାଇ କିସି କି ଜାନ\’ର ଟ୍ରେଲର ରିଲିଜ୍ ହୋଇଯାଇଛି । ପ୍ରଶଂସକମାନେ ଖୁବ୍ ଉତ୍ସାହର ସହିତ ଏହି ଟ୍ରେଲରକୁ ଅପେକ୍ଷା କରିଥିଲେ । ଏହି ଫିଲ୍ମଟି ଆସନ୍ତା ୨୧ ତାରିଖ ରେ ଇଦ୍ ଅବସରରେ ମୁକ୍ତିଲାଭ କରିବ । ଏଥିରେ ସଲମାନ ଖାନଙ୍କ ବ୍ୟତୀତ ଭେଙ୍କଟେଶ, ପୂଜା ହେଗଡେ ଏବଂ ଜଗପାଠୀ ବାବୁ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି ।
ଟ୍ରେଲର ଆରମ୍ଭରେ ସଲମାନ ଖାନଙ୍କ ଏଣ୍ଟ୍ରି ହେଉଛି ଏବଂ ପରେ ସଲମନଙ୍କ ସ୍ୱରରେ ସଂସ୍କୃତ ଶ୍ଲୋକ ଉଚ୍ଚାରଣ କରାଯାଉଛି । ଏହା ପରେ ଅଭିନେତ୍ରୀ ପୂଜା ହେଗଡେ ସଲମାନଙ୍କୁ ପଚାରୁଛନ୍ତି, ତୁମର ନାମ କ’ଣ? ସଲମାନ ଉତ୍ତର ଦିଅନ୍ତି, ମୋର କୌଣସି ନାମ ନାହିଁ । ମୁଁ ଭାଇଜାନ ନାମରେ ଜଣାଶୁଣା । ପ୍ରଥମ ଦେଖାରେ ପୂଜା ସଲମାନଙ୍କ ପ୍ରେମରେ ପଡିଯାଉଛନ୍ତି । ପରେ ପୂଜା ସଲମାନଙ୍କୁ ଭାଇ ଡାକିବାବେଳେ ଜିଭ କାମୁଡ଼ି ଦେଉଛନ୍ତି । ପରେ ଜାନ୍ ଡ଼ାକିବେ ବୋଲି କହିଛନ୍ତି । ଏହି ଟ୍ରେଲରକୁ ସିନେପ୍ରେମୀ ବେଶ୍ ପସନ୍ଦ କରିଛନ୍ତି ।
Comments are closed.