ନୂଆପଡା : ବାଘ ଆତଙ୍କରେ ଅନ୍ତ । ଧରାପଡିଲା ମଣିଷଖିଆ ବାଘ । ନୂଆପଡା ରେଞ୍ଜ ଅଫିସକୁ ଆସିଲା କଲରାପତରିଆ ବାଘ । ଗତକାଲି ରାତିରେ ବନ ବିଭାଗ ଯନ୍ତା ବସା ବହୁ ଚେଷ୍ଠା କରିବା ପରେ ବାଘକୁ ଧରିବାରେ ସଫଳ ହୋଇଛି । ଗତ କିଛି ଦିନ ହେବ ନୂଆପଡା ଅଞ୍ଚଳରେ ଆତଙ୍କ ମଚାଇଥିଲା । ଲୋକେ ଭୟଭୀତ ହୋଇପଡିଥିଲେ । ଦୁଇ ଜଣଙ୍କୁ ଶିକାର କରିବା ସହ ଜଣଙ୍କୁ ଆହତ କରିଥିଲା ।
କିଛି ଦିନ ତଳେ ଘରେ ବାହାରେ ଏକ ଶିଶୁ ଖେଳୁଥିବାବେଳେ ମାରି ଖାଇଥିବାର ଅଭିଯୋଗ ଆସିଥିଲା । ଗତକାଲି ମଧ୍ୟ ନୂଆପଡ଼ା ଜିଲ୍ଲା ସଦର ରେଞ୍ଜ ସିଲିଆରିବାହାରା ଗାଁର ଜଣେ ମହିଳାଙ୍କୁ ବାଘ ଟାଣି ନେଇ ମାରିଦେଇଥିଲା । ଖବର ପାଇ ନୂଆପଡା ବନବିଭାଗ କର୍ମଚାରୀ ଗାଁରେ ପହଞ୍ଚି ତଦନ୍ତ କରୁଥିଲେ । କିଛି ଦିନ ହେବ ବାଘଟିକୁ ଧରିବାକୁ ବନ ବିଭାଗ ବି ନାକେଦମ୍ ହୋଇଥିଲା । ଗତକାଲି ବନ ବିଭାଗ ପକ୍ଷରୁ ଏକ ଯନ୍ତା ବସାଯାଇଥିଲା । ଯେଉଁଥିରେ ଧରାପଡିଛି ମଣିଷଖିଆ କଲରାପତରିଆ ବାଘ ।