ଅଭିନେତ୍ରୀ ରଶ୍ମିରେଖା ଆତ୍ମହତ୍ୟା ମାମଲା: ରାଜାଙ୍କ ପରେ ଆଜି ବୟଫ୍ରେଣ୍ତ ସନ୍ତୋଷଙ୍କୁ ଜେରା

ଭୁବନେଶ୍ୱର:  ଅଭିନେତ୍ରୀ ରଶ୍ମିରେଖା ଓଝା ଆତ୍ମହତ୍ୟା ମାମଲା । ନୟାପଲ୍ଲୀ ଥାନାରେ ହାଜର ହେଲେ ପୁରୁଷ ବନ୍ଧୁ ସନ୍ତୋଷ ପାତ୍ର । ସନ୍ତୋଷକୁ ରଶ୍ମିରେଖା ମୃତ୍ୟୁ ବାବଦରେ ପୋଲିସ ପଚାରଉଚରା କରୁଛି । ୨୫ ତାରିଖ ଭିତରେ ଥାନାରେ ହଜାର ହେବାକୁ ନୋଟିସ କରିଥିଲା ପୋଲିସ । ସନ୍ତୋଷ ରଶ୍ମିରେଖାଙ୍କ ସହ ଦେଢ଼ ମାସ ହେବ ଲିଭ-ଇନରେ ରହୁଥିଲେ । ରଶ୍ମିରେଖା ଆତ୍ମହତ୍ୟା କରିବାର ୪ ଦିନ ପୂର୍ବରୁ ସନ୍ତୋଷ ଭୁବନେଶ୍ୱର ବାହାରେ ଥିଲେ ।

ଅଭିନେତ୍ରୀ ରଶ୍ମିରେଖା ମୃତ୍ୟୁ ମାମଲାରେ ରଶ୍ମିଙ୍କ ପୂର୍ବତନ ପୁରୁଷ ବନ୍ଧୁ ରାଜାଙ୍କୁ ଜେରା କରାଯାଇଥିଲା । ଥାନାରେ ହାଜର ହୋଇ ଘଟଣା ସମ୍ପର୍କରେ ପକ୍ଷ ରଖିଥିଲେ ଟେଲି ଅଭିନେତା ରାଜା । 

ଏକ୍ସ ବୟଫ୍ରେଣ୍ଡ ରାଜାକୁ ନେଇ ରଶ୍ମିରେଖା ଓ ସନ୍ତୋଷ ମଧ୍ୟରେ ଝଗଡ଼ା ହୋଇଥିଲା କି? ରାଜାକୁ ନେଇ ଉଭୟଙ୍କ ମଧ୍ୟରେ ତିକ୍ତତା ଥିଲା କି? ସେଥିପାଇଁ ମାନସିକ ଚାପରେ ଥିଲେ କି ରଶ୍ମିରେଖା? ଏସବୁ ପ୍ରଶ୍ନ ସନ୍ତୋଷଙ୍କୁ ପଚାରୁଛି ପୋଲିସ ।