ମାଲକାନଗିରି : ମାଲକାନଗିରି ଜିଲ୍ଲା ପୋଲିସ ମୁଖ୍ୟ କାର୍ଯ୍ୟାଳୟରେ ଅନୁଷ୍ଠିତ ଏକ ଉଚ୍ଚସ୍ତରୀୟ ବୈଠକରେ (ଡିଜିପି) ଆର୍ ପି ଶର୍ମା ଯୋଗଦେଇ ସ୍ଥିତି ସମୀକ୍ଷା କରିଛନ୍ତି ।
ଏହି ବୈଠକ ପରେ ଡିଜିପି ଗଣମାଧ୍ୟମକୁ ସୂଚନା ଦେଇ କହିଛନ୍ତି “ମାଓବାଦୀ ବିରୋଧି ଅଭିଯାନକୁ ଜୋରଦାର କରାଯିବ” ଏବଂ ଏଥିପାଇଁ ଆଗାମୀ ଦିନରେ ରଣନୀତି ପ୍ରସ୍ତୁତ କରାଯିବ ।
ସୂଚନା ଅନୁଯାୟୀ ମାଲକାନଗିରି ଜିଲ୍ଲା ପୋଲିସ ମୁଖ୍ୟାଳୟରେ ମଙ୍ଗଳବାର ଦିନ ଏକ ଉଚ୍ଚସ୍ତରୀୟ ସମୀକ୍ଷା ବୈଠକ ଅନୁଷ୍ଠିତ ହୋଇଥିଲା ।
ଏହି ବୈଠକରେ ଡିଆଜି ଆଶିଷ କୁମାର ସିଂହ, ଏଡିଜି (ଅପରେସନ), ଏସଓଜି କମାଣ୍ଡାଣ୍ଟ୍ ଏବଂ ମାଲକାନଗିରି ଏସପି ଜଗମୋହନ ମୀନା ପ୍ରମୁଖ ଉପସ୍ଥିତ ରହିବେ ।
ଏହି ଘଟଣାରେ ସୋମବାର ଦିନ ଗଣମାଧ୍ୟମକୁ ସୂଚନା ଦେଇ ଡିଜିପି କହିଥିଲେ, “ଏହା ରାଜ୍ୟ ପୋଲିସ ପାଇଁ ଏକ ବଡ ସଫଳତା ଓ ମାଓଦମନ ରଣନୀତିରେ ସୂଚାରୁ ରୂପେ ପରିଚାଳନା କରାଯାଇଛି” ।