ନୂଆଦିଲ୍ଲୀ: ଭାରତ-ଚୀନ ସୀମା ବିବାଦକୁ ନେଇ ଆଜି ସଂସଦରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ବିବୃତି ରଖିଛନ୍ତି । ରାଜ୍ୟସଭାରେ ରାଜନଥା ଦୃଢ଼ୋକ୍ତିର ସହ କହିଛନ୍ତି- ‘ଭାରତର ଜମି ଉପରେ ଚୀନ କବଜା କରିଛି । ଭାରତ ଗୋଟିଏ ଇଞ୍ଚ୍ ବି ଜମି ଛାଡ଼ିବ ନାହିଁ । ବାସ୍ତିବିକ ସୀମା ରେଖା (LAC)କୁ ମାନିବାକୁ ଚୀନକୁ କୁହାଯାଇଛି । ଏଲଏସି ସ୍ଥିତି ନବଦଳାଇ ଉଭୟ ପକ୍ଷ ସହମତି ରକ୍ଷା କରିବାକୁ କୁହାଯାଇଛି ।’
Our sustained talks with China have led to agreement on disengagement on the north and south banks of Pangong Lake. After this agreement, India-China will remove forward deployments in a phased, coordinated manner: Defence Minister Rajnath Singh in Rajya Sabha pic.twitter.com/eJgtU4aJWJ
— ANI (@ANI) February 11, 2021
୨୦୨୦ରୁ ଭାରତ ଓ ଚୀନ ସେନା ଏବଂ ରାଜନୀତକ ସ୍ତରରେ ଆଲୋଚନା ଜାରି ରହିଥିବା ରାଜନାଥ କହିଛନ୍ତି । ପ୍ୟାଙ୍ଗୋଗ୍ ଲେକରୁ ଦକ୍ଷିଣ ଓ ଉତ୍ତରକୁ ନେଇ ବୁଝାମଣା ହେବ । ଉଭୟ ପକ୍ଷ ନିଜ ନିଜ ସେନା ପଛକୁ ହଟାଇବେ । ଚୀନ୍ ଫିଙ୍ଗର ୮ରେ ରହିବ ଏବଂ ଭାରତ ଫିଙ୍ଗର ୩ରେ । ସୀମାରେ ୨୦୨୦ ଏପ୍ରିଲ୍ ପୂର୍ବ ସ୍ଥିତି ଫେରିବ । ଏବେ ପାଟ୍ରୋଲିଂ ହେବନାହିଁ । ଚୁକ୍ତି ପରେ ପାଟ୍ରୋଲିଂ ପୁଣି ଆରମ୍ଭ ହେବ । ଆଉ କିଛି ପ୍ରସଙ୍ଗ ଆଲୋଚନା ପାଇଁ ଏବେବି ବାକିଥିବା ସେ ସୂଚନା ଦେଇଛନ୍ତି । ଯାହାଉପରେ ଆଗକୁ ଆଲୋଚନା ଜାରି ରହିବ ।
China will keep its troops to the east of the Finger 8 at the north bank of Pangong Lake. India will keep its troops at its permanent base near Finger 3: Defence Minister Rajanth Singh pic.twitter.com/OqTKqnIhdV
— ANI (@ANI) February 11, 2021
ଗତବର୍ଷ ଚୀନ ଏଲଏସି ନିକଟରେ ପ୍ରବେଶ ପାଇଁ ଉଦ୍ୟମ କରିବା ବେଳେ ଜବାବ ଦିଆଯାଇଥିଲା । ଗୋଳାବାରୁଦ ମଧ୍ୟ ମହଜୁଦ୍ ରଖାଯାଇଥିଲା । ଚୀନ ୧୯୬୨ରୁ ଲଦାଖ ଅଞ୍ଚଳରେ ଅନିଧିକୃତ ଭାବେ କବଜା କରିଛି । ପାକିସ୍ତାନ ମଧ୍ୟ ଚୀନକୁ ଆମ ଜମି ଦେଇଛି । ଅନିଧିକୃତ ଭାବେ ଚୀନ ୪୩ ହଜାର ବର୍ଗ କିଲୋମିଟର କବଜା କରିଥିବା ପ୍ରତିରକ୍ଷା ମନ୍ତ୍ରୀ କହିଛନ୍ତି । ଏଥିଯୋଗୁଁ ଭାରତ-ଚୀନ ସମ୍ପର୍କ ଉପରେ ପ୍ରଭାବ ପଡ଼ିଛି ।