ମୁମ୍ବାଇ: ଟିମ ଇଣ୍ଡିଆର ଚାଇନାମ୍ୟାନ ସ୍ପିନର କୂଲଦୀପ ଯାଦବ ବଲିଉଡ ଅଭିନେତ୍ରୀ ରବୀନା ଟଣ୍ଡନଙ୍କ ଝିଅ ରାଶା ଥଡାନୀଙ୍କୁ ଡେଟ କରୁଥିବା ଖବର ପ୍ରକାଶ ପାଇଛି । ୨୯ ବର୍ଷୀୟ କୂଲଦୀପ ଇନଷ୍ଟାଗ୍ରାମରେ ରାଶାଙ୍କ କେତେକ ଫଟୋକୁ ଲାଇକ କରିଥିଲେ । ବାସ ଏହା ପରେ ଉଭୟଙ୍କୁ ନେଇ ବିଭିନ୍ନ ରିପୋର୍ଟମାନ ପ୍ରକାଶ ପାଇବାରେ ଲାଗିଛି । ତେବେ ଏହାର ସତ୍ୟତା କଣ ତାହା କେହି ଜାଣି ନାହାନ୍ତି । କୂଲଦୀପ କିମ୍ବା ରାଶା ଏ ସମ୍ପର୍କରେ କୌଣସି ବୟାନ ଦେଇ ନାହାନ୍ତି । ସବୁଠାରୁ ମଜାର କଥା ଉଭୟ କିନ୍ତୁ ଏହି ଖବରକୁ ସମ୍ପୂର୍ଣ୍ଣ ଭାବେ ଖଣ୍ଡନ କରି ନାହାନ୍ତି ।
ଯେ ପର୍ଯ୍ୟନ୍ତ ଉଭୟ ଏ ନେଇ ମୁହଁ ଖୋଲି ନାହାନ୍ତି ସୋସିଆଲ ମିଡିଆରେ ଏହି ଗୁଜବ ବେଶ ଚର୍ଚ୍ଚା ସାଉଁଟିବ । ରାଶା ଏବେ ଖୁବ ଶୀଘ୍ର ବଲିଉଡରେ କ୍ୟାରିୟର ଆରମ୍ଭ କରିବାକୁ ଯାଉଛନ୍ତି । ରବୀନା ମଧ୍ୟ ରାଶାଙ୍କୁ ଲାଇମଲାଇଟରେ ଆଣିବା ପାଇଁ ଉଦ୍ୟମ ଜାରୀ ରଖିଛନ୍ତି । ଅପରପକ୍ଷରେ ଆଘାତ ସମସ୍ୟାରେ ପଡିଥିବା କୁଲଦୀପ ସମ୍ପୂର୍ଣ୍ଣ ଫିଟ ହୋଇ ଜାତୀୟ ଦଳକୁ ଫେରିବା ପାଇଁ ଉଦ୍ୟମ ଜାରୀ ରଖିଛନ୍ତି । କେବଳ ଏହି ଦୁଇ ଜଣଙ୍କ ନୁହେଁ ସାରା ଓ ଶୁଭମନ ଗିଲ ଏବଂ ମହମ୍ମଦ ସିରାଜ ଓ ମାହିରା ଶର୍ମାଙ୍କ ଆଫେୟର ମଧ୍ୟ ସୋସିଆଲ ମିଡିଆରେ ଝଡ ସୃଷ୍ଟି କରିଥିଲା ।
Comments are closed.