ଆଜିଠୁ ଆରମ୍ଭ ହେଲା ସାମସଙ୍ଗ Galaxy F16 5Gର ସେଲ୍‌; ଜାଣନ୍ତୁ ଏହାର ଫିଚର ଓ ଦାମ୍…

ନୂଆଦିଲ୍ଲୀ:କିଛିଦିନ ପୂର୍ବରୁ ସାମସଙ୍ଗ ଭାରତୀୟ ବଜାରରେ ନିଜର ଗୋଟିଏ ସ୍ମାର୍ଟଫୋନ ଲଞ୍ଚ କରିଛି। ଏହି ସ୍ମାର୍ଟଫୋନ୍ ର ନାମ ହେଉଛି ସାମସଙ୍ଗ ଗାଲାକ୍ସି F16 5G( Samsung Galaxy F16 5G) । ଏହି ହ୍ୟାଣ୍ଡସେଟର ପ୍ରଥମ ବିକ୍ରି ଆଜି ଗୁରୁବାର ଠାରୁ ଆରମ୍ଭ ହୋଇଛି। ଏହି ବିକ୍ରୟ ଇ-କମର୍ସ ପ୍ଲାଟଫର୍ମ ଫ୍ଲିପକାର୍ଟ (Flipkart)ରେ ହେବ । ଏହା ଏକ ସୁଲଭ 5G ଫୋନ୍ ଅଟେ ।

ଫ୍ଲିପକାର୍ଟରେ ସାମସଙ୍ଗ ଗାଲାକ୍ସି F16 5G ତାଲିକାଭୁକ୍ତ ହୋଇଛି । ଏଠାରେ ଏହି ସ୍ମାର୍ଟଫୋନର ଆରମ୍ଭ ମୂଲ୍ୟ ୧୧,୪୯୯ ଟଙ୍କା ରହିଛି । ଏହି ସ୍ମାର୍ଟଫୋନଟି ସବୁଜ, କଳା ଏବଂ ନୀଳ ରଙ୍ଗରେ ଉପଲବ୍ଧ ।

ସାମସଙ୍ଗ ଗାଲାକ୍ସି F16 5Gରେ ଏକ ଟ୍ରିପଲ୍ ରିୟର କ୍ୟାମେରା ସେଟଅପ୍ ଅଛି । ଏଥିରେ ପ୍ରାଥମିକ କ୍ୟାମେରା ହେଉଛି ୫୦ ମେଗାପିକ୍ସେଲ । ସେକେଣ୍ଡାରୀ କ୍ୟାମେରାରେ ୫ ମେଗାପିକ୍ସେଲ ଅଲ୍ଟ୍ରା ୱାଇଡ୍ ଏଙ୍ଗଲ ଲେନ୍ସ ଏବଂ ୨ ମେଗାପିକ୍ସେଲ ମାକ୍ରୋ କ୍ୟାମେରା ସେନସର ଅଛି । ଏଥିରେ 13 ମେଗାପିକ୍ସେଲ ସେଲଫି କ୍ୟାମେରା ଦିଆଯାଇଛି ।

ଗାଲାକ୍ସି F16 5Gରେ 6.7-ଇଞ୍ଚର FHD + (1080×2340 ପିକ୍ସେଲ) AMOLED ଡିସପ୍ଲେ, 90Hz ରିଫ୍ରେସ୍‌ ରେଟ୍‌ ଏବଂ 800ନିଟ୍ ସର୍ବାଧିକ ବ୍ରାଇଟନେସ୍‌ ସହ ଆସିଛି । ମିଡିଆଟେକ୍ ଡାଇମେନସିଟି 6300 ଚିପସେଟ ଓ 4GB, 6GB ଓ 8GB RAM ଏବଂ 128GB ଷ୍ଟୋରେଜ୍ ରହିଛି ।

ଗାଲାକ୍ସି F16 5Gରେ ଆଣ୍ଡ୍ରଏଡ୍ 15 ଆଧାରିତ ଏକ UI 7 ଦ୍ବାରା ଚାଳିତ । ଏହା ଛଅ ବର୍ଷର ଆଣ୍ଡ୍ରଏଡ୍ OS ଅପଗ୍ରେଡ୍ ଏବଂ ସୁରକ୍ଷା ଅପଡେଟ୍ ଦେବ । ଅନ୍ୟାନ୍ୟ ଫିଚରକୁ ଦେଖିବାକୁ ଗଲେ ଗାଲାକ୍ସି F16 5G ସାଇଡ୍‌ରେ ସ୍ଥାପିତ ଫିଙ୍ଗର ପ୍ରିଣ୍ଟ ସେନ୍ସର, ଏକ USB ଟାଇପ୍-ସି ପୋର୍ଟ ଏବଂ ବିସ୍ତାରଯୋଗ୍ୟ ଷ୍ଟୋରେଜ ପାଇଁ ଏକ ମାଇକ୍ରୋ SD କାର୍ଡ ସ୍ଲଟ୍ ରହିଛି ।

ସେହିପରି ସ୍ମାର୍ଟଫୋନଟି 25W ଫାଷ୍ଟ ଚାର୍ଜିଂ ସପୋର୍ଟ ସହିତ 5000mAh ବ୍ୟାଟେରୀ ପ୍ୟାକ୍ ରହିଛି ।